ABUSAID MAHZUM (19 – a. ning 2 – yarmi — 20 – a. boshlari) — samarqandlik oʻlkashunos, xattot, sharq qoʻlyozmalari bilimdoni. V. L. Vyatkinning koʻngilli yordamchilaridan boʻlgan, Ab. M. Vyatkinga Ulugʻbek rasadxonasi haqidagi xalq rivoyatlarini toʻplashda yaqindan yordam bergan va ana shu rasadxona haqidagi sharq qoʻlyozmalarida yozilgan maʼlumotlarni axtarib topib, tayyor holda koʻchirib bergan. Ulugʻbek rasadxonasi joylashgan yerni aniqlab olishda, bu yerda qazishma ishlarini olib borishda Abusaid Mahzumning yordami juda katta boʻlgan.