ABU JAʼFAR XOZIN Muxammad ibn Husayn Sagʻoniy (Chagʻoniy) Xurosoniy (10-a.) — riyoziyotchi va falakiyotshunos olim. Oʻzidan oldin oʻtgan allomalarning asarlarini puxta oʻrgangan, oʻzi ham ilmiy ijod bilan shugʻullangan, astronomik kuzatuvlar olib borgan. «Kitob zij us-Safoix», («Gardishlar ziji kitobi»). «Sharh kitob «Usuli handasiy Iqlidus» («Evklidning «Usuli handasiy» kitobi sharhi»), «Tafsir maqolai oshira Iklidus» («Evklidning «Oʻninchi maqolasi» tafsiri») kabi asarlari bor. Hayotining oxirgi yillarida Ray shahrida (Eron) yashagan.