ABU BASHAR MATO ibn Yunus Nasroniy Nasturiy (? — 940) — olim, tarjimon. Xalifa Roziy zamonida (934 — 940) bir necha vaqt Bagʻdodda turgan. Aristotelning «Kitob ul-ibora», «Mabhas ul-Buhron» asarlariga sharhlar yozgan, «Poetika» kitobini suryoniychadan arab tiliga, «Maso ul-olam» kitobining baʼzi muqaddimalarini, Yahyo ibn Serafionning «Kunnosh» asarini, Platon, Iskandar Afrodiziy va b. olimlarning asarlarini arab tilidan suryoniy tiliga tarjima qilgan.