ABDUSHUKUROV Rustam Hakimovich (1908.22.12, Kattaqoʻrgʻon – 1981.21.4, Toshkent) — faylasuf olim, Oʻzbekistonda xizmat koʻrsatgan fan arbobi, falsafa fanlari d-ri (1965), prof. (1968). 2-jahon urushi qatnashchisi. ToshDU va b. oliy oʻquv yurtlari falsafa kafedralarida dotsent (1946 — 57). Oʻzbekiston FA Tarix va arxeologiya (1957 — 59), Falsafa va huquq (1959 — 64) in-tlarining katta ilmiy xodimi, sektor mudiri (1971-y. dan), Falsafa kafedrasining mudiri (1964 — 71). Ilmiy ishlari milliy masala, mada-niyat muammolariga bagʻishlangan.