ABDURAHMON TOLE (asl ismi Abdurahmon Davlat boʻlib, Tole uning taxallusidir) (18 – a. birinchi yarmi) — buxorolik munajjim, shoir va tarixchi. U Buxoro xoni Abulfayzxon (1711—47) zamonida yashagan va hukumat doiralariga, xususan nufuzli amir Abdulloh qushbegiga yaqin kishi boʻlgan. Abdurahmon Tole «Tarixi Abulfayzxon» asarining muallifidir. Bu asar 18-a. ning birinchi yarmidagi Turkistonning siyosiy ahvoliga oid qimmatli manba boʻlib, aniq maʼlumotlarga boy.