АҲМАД ПОЛВОН (Толиббоев) (1865 — Тошкент ш. Шайхонтоҳур мавзеи — 1914) — машҳур ўзбек полвони. Ёшлигидан курашга қизиқди. 1895 й. машҳур немис полвони Риппель (вазни 133 кг) Тошкентга келганда у билан циркда беллашди ва енгди. Кураги ерга тегмай юрган қувалик Хўжа полвон ҳам Аҳмад полвонга бас келолмайди (1904 й.). А. п. биринчи бор французча кураш мусобақасида иштирок этиб, 1911 й. Германия чемпиони Гюгнер устидан ғалаба қозонди.