АЭРОИҚЛИМШУНОСЛИК — иқлимшуносликнмнт тропосфера ва қуйи стратосфера (25 км баландликкача)даги иқлим шароитларини ўрганувчи бўлими. Ер сиртининг бевосита таъсири сезилмайдиган баландликдаги қатламдан эркин атм. (э. а.) бошланади. Э. а. иқлим, метеорологик элементлар — босим, т-ра, намлик, радиация баланси ва шамолнинг статистик кўрсаткичлари билан ифодаланади. Э. а. да шамол кучайиб, йўналиши турғунлашади. Иқлим ҳосил қилувчи асосий жараёнлар иссиқлик алмашиши, намлик алмашиши ва атм. нинг умумий циркуляциясидир. Э. а. даги барча метеорологик элементларнинг даврий ва узлуксиз ўзгариши, кўп йиллик режими асосан шу жараёнлар билан аниқланади. Иқлим ҳосил қилувчи бу уч омил бирбирига боғлиқ. Э. а. да намлик камайиши атм. қурғоқчилигига олиб келади. Географик кенгликнинг метеорологик элементларга таъсири баландликка қараб орта боради. Э. а. қатламлари иқлими географик кенглик бўйича аниқ тақсимланади. Аэроиқлимшунослик ана шу омилларни тадқиқ қилиш билан шуғулланади.