АФЗАЛБОЖЛАР, божхона тарифи преференция л. ари — бир ёки бир неча давлатнинг товар импорти учун энг қулай шароитлар яратиш мақсадларида белгиланган божхона божлари. Шу мамлакатларнинг жами ёки айрим товарлари тури учун қўлланилади. Давлатлар ўртасида ўзаро ёки бир томонлама тартибда жорий этилади. Кам ривожланган мамлакатлардан импорт қилинган товарлардан умуман бож ундирилмаслиги мумкин. Ўзбекистон Республикасининг 1997 й. 27 авг. қабул қилинган «Бож тарифи тўғрисида» Қонунида ЎзРнинг бошқа давлатлар билан савдо-иқтисодий муносабатларни амалги оширишида Ўзбекистон Республикаси билан бирга эркин савдо зонаси ёки божхона иттифоқиик ташкил қилган ёхуд шундай зона ёки ит-тифоқ тузиш мақсадини кўзловчи битимни имзолаган давлатларда ишлаб чиқарилган товарларга, ЎзР миллий преференция тизимидан фойдаланувчи ривожланаётган мамлакатларда ишлаб чиқарилган товарларга нисбатан бож тўлашдан озод қилиш, бож ставкаларини камайтириш ёки преференциал тартибда товар олиб кириш (олиб чиқиш)га тариф квоталари белгилаш каби преференцияларга йўл қўйилиши кўрсатилган.
Шерқул Шодмонов.