АТЛАС ПИЛЛА — пачоқ пилла турларидан бири. Атлас пилланинг сирти текис (силлиқ), қисман ботиқроқ. Унинг даста қисган ўринларида ботиқ ерлари билинмай қолади. Шу белгиларига кўра навларга бўлинади. Сиртидаги бузилган жойлари 5 мм гача бўлса биринчи, 10 мм гача бўлса иккинчи, 15 мм гача бўлганлари эса учинчи навга киради. 15 мм дан ортиқ бузилган жойи бўлган пиллалар яроқсиз ҳисобланади. Атлас пиллалар бир текис бугланмайди, ипаги оз чиқади, сифати паст бўлади, тортишда ипаги тезтез узилиб туради. Пилла сифатининг бу тариқа бузилиши қуртларга етарли даста қўйилмаганидан ҳамда пилланинг даста оралиғида қисилиб ўралишидан юзага келади.