АСПЕРГИЛЛЁЗ (Aspergillosis) — одам ва ҳайвонларда паразит замбуруғи (аспергиллар) қўзғатадиган касаллик. А. да кайси аъзо зарарланганлигига қараб касаллик белгилари турлича намоён бўлади. Мас, тери А. ида асосан тери зарарланади, унда тугунча, яра ва инфильтратлар пайдо бўлади. Аспергиллёз билан асосан паррандалар, қисман сут эмизувчилар касалланади. Бу касалликка паррандалар ичида ўрдак ва ғоз кўпроқ, товуқ, курка, каптар, қирғовул камроқ чалинади. Сут эмизувчилардан Аспергиллёз билан кўпроққуён касалланади. Касаллик нафас орқали замбуруғ спораларини ичга ютиб юбориш ва бу касаллик билан зарарланган озукани истеъмол қилиш натижасида юқади. Касалланган ҳайвонлар анча лоҳас бўлади, нафас олиши қийинлашади, иштаҳаси пасаяди, ичи бузилади, озиб кетади, бир неча кундан кейин ўлади. Аспергиллёзнинг олдини олиш чоралари: бино ичида санитариягигиена қоидаларига риоя қилиш, озуқа ва тўшамаларни замбуруғлардан холи тутиш, инкубаторларни дезинфекция қилиш, шамоллатиш ва б.