АСКОЧЕНСКИЙ Александр Николаевич (1898.5.9, Россиянинг ҳоз. Воронеж вилояти Верхний Ломовск қишлоғи — 1973.5.3, Москва) — муҳандисирригатор, Ўзбекистон ФА акад. (1943), проф. (1939), Ленинград т. й. инженерлари ин-тини тугатган (1925). Ўрта Осиё ирригация ва мелиоратив қурилиши ин-ти (Средазгипроводхлопок) бош муҳандиси (1931 — 39), Ўзбекистон ФАнинг вице-президенти (1948 — 50), сўнгги йилларда собиқ Иттифоқда қ. х. бўйича масъул лавозимларда ишлаган. Аскоченскийнинг илмий ишлари Ўрта Осиё сув ресуреларини ўрганиш, пахта экиладиган р-нларни суғориш ва мелиорацияси масалаларига бағишланган. Катта Фарғона канали, Қорақум каналини лойиҳалаш ва қуришда қатнашган.