АСКАРИЙ МИРЗО (1512-1558) — Меват ва Қандаҳор ҳокими (1530—51). Бобурийлардан. Бобурнинг учинчи ўғли. Комрон Мирзо қутқуви билан бобурийлар ҳукмдори Ҳумоюнга қарши бир неча марта исён кўтарган ва ниҳоят Кобул яқинида бўлган жанг (1551) да асир олиниб, ўзининг талабига кўра ҳажга жўнатилган. 1558 й. йўлда оламдан ўтиб, Маккадаги қабристонга дафн этилган.
Аскарий мирзо шеъриятга ихлосманд бўлиб, форсий ва туркий тилларда ғазаллар битган.