АРҚОНИЙ — кечпишар қовун нави. Шакли эллиписсимон, бўйи 30 — 35 см, оғирлиги 4 — 7 кг. Пусти калин, сирти бир оз буришган, кам тўр, яшил. Эти оқиш-яшил, қалинлиги 4 — 5 см, ширин, таркибида 9,1% гача қанд бор. Уруғхонаси катта, уруғи чўзиқ ва бир оз букик. Уруғи экилганидан кейин 100 — 120 кунда ҳосили пишади. Ҳосилдорлиги 350 ц/га. Самарқанд, Бухоро, Сурхондарё, Тошкент вилоятларида экилади. Куз — қишда асраш ва олис жойларга юбориш учун яроқли (яна қ. Қовун).