АРЕНА (лот. arena — қум) — 1) қад. Рим томошахоналарининг амфитеатр ўртасидаги қум сепилган айлана майдони. Спорт уйинлари, гладиаторлар уруши, ўлимга маҳкум этилганларнинг ёввойи ҳайвонлар билан жанг томошаси учун мўлжалланган;
2) ҳоз. замон циркида томоша жойи, ўйин майдони. У ҳозир манеж деб аталади. Цирк А. сининг диаметри 13,5 м;
3) спорт майдони — махсус спорт турлари буйича уқув тренировка машғулотлари ва мусобақалари ўтказишга мўлжалланган, етарлича жиҳозланган махсус спорт иншооти, ўйингоҳ саҳни, бокс, енгил атлетика, кураш ва ш. к. мусобақалар жойи.