АНТАЛКИД СУЛҲИ, Шоҳона сулҳ (мил. ав. 386) — мил. ав. 395—387 йлардаги Коринф урушидан сўнг Сарда ш. да Спарта билан Афина ва Фива бошчилигидаги юнон полислари ўртасида имзоланган. Спарта элчилари раҳбари Анталкид номидан олинган. Анталкид сулҳи шартларини амалда юнонларга Эрон давлати қўйган. Эрон дастлаб Спартага қарши, сўнгра Спарта билан бирга Афинага қарши урушган. Эрон таркибига Кичик Осиёдаги юнон шаҳарлари, Кипр о. ва Клазомена қўшиб олинган, юнон полисларига мухторият берилган, фақат Лемнос, Имброс ва Скиросгина Афина қўл остида қолдирилган, барча сиёсий иттифоклар (Пелопоннес иттифокидан бошқа) таркатиб юборилган. Ах. Спартанинг Юнонистондаги хукм-ронлик мавқеини оширган. Юнонистон юнон-форс урушлари (мил. ав. 500—449) даврида эришган ютуқларидан маҳрум бўлган, мамлакатда сиёсий тарқоқлик, ўзаро низолар кучайган.