АНСАТБОЕВ Нажиматдин (1943.23.12, Кегайли) — қорақалпоқ актёри ва реж. Ўзбекистон халқ артисти (1974). Тошкент театр ва рассомлик санъати ин-тини тугатган (1966). Бердақ номидаги Қорақалпоқ давлат мусиқали драма ва комедия театрида актёр ва реж. (1966—78, 1996 й. дан навбатчи реж.), бадиий раҳбари ва директори (1987—96). С. Хўжаниёзов номидаги республика Ёш томошабинлар театрида бош реж. (1978—79, 1987—96). Асосий роллари: Навоий («Навоий Астрободда»), Аёз («Кайнона»), Кассио («Отелло»), Ғариб («Ғариб ошиқ»), Шариф Раҳимов («Ўз аризасига кўра»), Бердақ («Бердақ»), Яссавий («Соҳибқирон») ва б. Реж. сифатида «Ғариб ошиқ», «Ой тутилган тунда», «Яраланган юраклар», «Келинлар қўзғолони», «Ўн учинчи раис», «Тобутдан товуш», «Ота тақдири», «Соҳибқирон» каби спектаклларни саҳналаштирган. Бердақ номидаги Қорақалпоғистон Давлат мукофоти лауреати (1973).