АНДЕРРАЙТЕР (инг. underwriter) — 1) янги чиқарилган қимматбаҳо қоғозлар (акция, облигация ва б.)нинг муайян миқдорини сотиб олиб, кейинчалик уни инвесторларга сотиш йўли билан жойлаштириш мажбуриятини оладиган кафил; 2) суғурта ишида суғурта компанияси томонидан хатарнинг барча турларини суғурталаш (қайта суғурталаш)га вакил қилинган шахс. А. суғурта портфелининг шаклланишига жавоб беради.