АМПЛИТУДАВИЙ ДИСКРИМИНАТОР — амплитудаси маълум (бўсаға) қийматдан ошган электр сигналларни автоматик тарзда ажратиб олувчи қурилма. Амплитудавий дискриминатордан телебошқаришда фойдали сигнални шовқиндан ажратиб олишда, амплитудавий анализаторах ёрдамида тасодифий жараёнларни текширишда кенг фойдаланилади. Мас, Амплитудавий дискриминатор ядро нурланишининг интеграл энергетик спектрини олишда фойдали сигнални халал берувчи шовқинлардан ажратишда қўлланилади.