АМПЛИТУДАВИЙ АНАЛИЗАТОР — электр импульелар амплитудаларининг тақсимланиш қонуниятини топиш учун ишлатиладиган қурилма. Амплитудавий анализатор ёрдамида, одатда, тасодифий импульс жараёни амплитудасининг шу амплитуда оралиғида пайдо бўлган импульслар сони бўйича тақсимланиши тахлил қилинади. Амплитудавий анализатор эксперементал физикада ҳар хил нурланиш заррачалари энергиясининг тақсимланишини таҳлил қилишда, узлуксиз тасодифий жараённи текширишда, радиолокация ва радиоалоқада сигналларнинг мураккаб шаклини тахлил қилишда ишлатилади.