АМПЕР ҚОНУНИ — бирбиридан муайян масофада жойлашган ўтказгичларнинг кичик бир қисмидан оқаётган икки токнинг ўзаро механик таъсири ҳақидаги қонун. А. қ. дан шундай хулоса чиқади: бир томонга оқаётган токли параллел ўтказгичлар ўзаро тортишади, қарама-қарши томонга оқаётган токли ўтказгичлар ўзаро итаришади. Ампер шарафига шундай аталган. Магнит майдонининг токли кичик бир ўтказгичга кўрсатадиган таъсир кучини ифодаловчи қонун ҳам Ампер қонуни деб аталади.