АЛИМОВ Шавкат Орифжонович (1945.2.3, Нукус) — математик олим, Ўзбекистон ФА акад. (2000), физика-мат, фанлари д-ри (1973), проф. (1974). Москва давлат ун-ти (МДУ)ни тугатган(1967). МДУда (1974—84) ишлаган, ТошДУ каф. мудири ва Ўзбекистон ФА Математика ин-тида директор ўринбосари (1984-85), СамДУ (1985-87), ТошДУ (1987—89) ректори, Ўзбекистон Республикаси Олий ва ўрта махсус таълим вазири (1990-91), ТошДУ каф. мудири (1991-94). Ташқи ишлар вазири ўринбосари (1994—95), Ўзбекистон Республикасининг ХХР даги фавқулодда ва мухтор элчиси (1995—98), Тошкентдаги Жаҳон иқтисодиёти ва дипломатия унверситетида проректор (1998 й. дан). Асосий илмий ишлари математик физиканинг хусусий ҳосилали дифференциал тенгламалари муаммоларига, хусусан ўзўзига қўшма эллиптик операторларнинг спектрал назариясига, дифференциал ва интеграл тенгламалар муаммоларига бағишланган. «Каррали қаторлар ва Фурье интеграллари» монографияси Германияда («Springer Verlag» нашриёти) инглиз тилида нашр этилган (1991). Беруний номидаги Ўзбекистон Давлат мукофоти лауреати (1985).