АКОБИРОВ Аминжон Солиевич (1930.22.2, Бухоро) — актёр ва реж. Ўзбекистонда хизмат кўрсатган санъат арбоби (1969). Бухоро театрида актёр (1945-57), реж. (1957-60), бош реж. (1960—64), директор ва реж. (1964—73 ва 1975 й. дан), Самарқанд опера ва балет театрида директор (1973—75). Акобиров маънавий-фалсафий руҳдаги образларнинг моҳир ижрочиси сифатида танилган: Қамбарали («Олтин кўл»), Сулаймон («Аршин мол олон»), Навоий («Алишер Навоий»), Кочкарёв («Уйланиш») ва б. Реж. сифатида «Равшан ва Зулхумор» (К. Яшин), «Гули Сиёҳ» (С. Жамол), «Тоҳир ва Зуҳра» (С. Абдулла), «Менинг Бухором» (К. Яшин), «Ватан ишқи», (3. Фатхуллин, Ш. Саъдулла) каби асарларни саҳналаштирди.