АКВАМЕТРИЯ (лот. aqua — сув ва юн. metreo — ўлчайман) — анорганик ва органик моддалар таркибидаги сув миқдорини бевосита аниқлаш. Бунда, мас, моддани махсус шкафда ўзгармас вазнга келгунча қуритиш ёки уни кальций карбид билан ишлаб, ажралиб чиқадиган ацетилен ҳажмини ўлчаш каби усуллар қўлланилади. Акваметриянинг бошқа усуллардан афзаллиги шундаки, модда таркибидаги сув эриган, ютилган, гидратланган, кристалл ва б. ҳолатларда бўлиб, миқдори жуда оз бўлганида ҳам бу усул қўл келаверади.