📜 Инструкция по применению Аллохол
💊 Состав препарата Аллохол
✅ Применение препарата Аллохол
📅 Условия хранения Аллохол
⏳ Срок годности Аллохол

ҚЎЛЛАШ БЎЙИЧА ЙЎРИҚНОМА

АЛЛОХОЛ

ALLOCHOLUM

Препаратнинг савдо номи: Аллохол

Халқаро патентланмаган номи: йўқ

Дори шакли: қобиқ билан қопланган таблеткалар.

Таркиби:

Ҳар бир таблетка қуйидагиларни сақлайди:

фаол моддалар: қуруқ сафро – 80 мг, қуритилган саримсоқ пиёз – 40 мг, газанда ўт барглари – 5 мг, фаоллаштирилган кўмир – 25 мг;

ёрдамчи моддалар: магний оксиди, картошка крахмали, тальк, сувсиз коллоид кремний диоксиди, кальций стеарати;

қобиқ таркиби: қанд, магний карбонати асоси, сувсиз коллоид кремний диоксиди, титан диоксиди, коповидон, хинолин сариғи Е 104, апельсин сариғи Е 110, асалари муми.

Таърифи: Оч-сариқ рангли, специфик ҳидли, икки томонлама қавариқ юзали, қобиқ билан қопланган таблеткалар. Кўндаланг кесимида иккита қават кўринади.

Фармакотерапевтик гуруҳи: ўт хайдовчи восита.

АТХ коди: А05АХ

 

Фармакологик хусусиятлари

Фармакодинамикаси

Ўт ҳайдовчи (холекинетик ва холеретик) восита, ичакда чириш ва бижғиш жараёнини сусайтиради. Жигар хужайраларининг сектор функциясиини кучайтиради, меъда-ичак йўллари аъзоларининг секретор ва ҳаракат фаоллигини рефлектор равишда оширади.

Фармакокинетикаси

Аллохол меъда-ичак йўлларида яхши сўрилади. Аллохолнинг таркибидаги ҳолат ва хенодезоксихолат кислоталари ичакда 7α-дегидроксилланишга учрайди. Хенодезоксихолат кислотаси, бундан ташқари жигарда метаболизмга учрайди: аминокислоталар билан конъюгация реакциясига киришади, сафрога секреция қилинади, у ердан яна ичакка чиқарилади, сўнгра қисман қайта сўрилади; қолган қисми ахлат билан чиқарилади.

Қўлланилиши

Сурункали холецистит, сурункали холангит, ўт пуфаги ва ўт чиқариш йўлларининг дискенезияси, постхолецистэктомик синдром, атоник қабзиятни комплекс даволаш таркибида қўлланади.

 

Қўллаш усули ва дозалари

Препарат ичга, овқатдан кейин қабул қилинади. Катталарга 1-2 таблеткадан, суткада 3-4 марта, 3-4 ҳафта давомида қабул қилиш тавсия этилади, агар даволашни давом эттириш лозим бўлса, кейинчалик  – 1 таблеткадан суткада 2-3 марта, 1-2 ой давомида қабул қилиш тавсия этилади.

Зарурат туғилганида, шифокорнинг кўрсатмасига кўра, даволаш курсини 3 ойлик танаффус билан 2-3 марта такрорлаш мумкин.

Ножўя таъсирлари

Диарея, аллергик реакциялар.

Кескин қизариш ва қичишиш пайдо бўлган ҳолларда десенсибилизацияловчи даволашни ўтказиш керак.

Қўллаш мумкин бўлмаган ҳолатлар

Препаратнинг компонентларига ўта юқори сезувчанлик, ўткир гепатит, ўт-тош касаллиги, обтурацион сариқлик, Одди сфинктерининг спазми, ўткир панкреатит, меъда ва ўникки бармоқ ичакнинг зўрайиш босқичидаги яра касаллиги, ўткир энтероколитда қўллаш мумкин эмас.

Дориларнинг ўзаро таъсири

Аллохолни бошқа дори препаратлар билан даволаш фонида қўлланганида, ҳозирги вақтгача салбий кўринишлар аниқланмаган.

Алюмин гидроксиди, холестирамин, холестипол сақловчи препаратлар сўрилишни пасайтиради (ва самарасини камайтиради) – бир вақтда қўллаш мақсадга мувофиқ эмас.

Аллохолни синтетик ёки ўсимликлардан олинган холеретиклар билан бир вақтда қўлланиши ўт ҳайдовчи самарани кучайтиради.

Аллохол сурги препаратларининг таъсирини потенция қилиши мумкин.

Аллохол ёғда эрийдиган витаминларни яхши сўрилишига ёрдам беради.

Варфарин қабул қилаётган пациентларда, препаратнинг таркибига кирувчи саримсоқ пиёзни истеъмол қилиш, қон кетиш давомийлигини узайтириши мумкин.

Махсус кўрсатмалар

Аллохолнинг даволаш курсини 3 ойлик танаффус билан 2-3 марта такрорлаш мумкин.

Таркибида қанд бўлганлиги туфайли, препаратни фруктозани кам учрайдиган туғма ўзлаштира олмаслиги бўлган ёки глюкозо-галактоз мальабсорбцияси бўлган пациентлар томонидан қабул қилиниши тавсия қилинмайди.

Болаларда қўлланиши. Болаларда қўллаш хавфсизлиги ва самарадорлиги тўғрисида адекват маълумотлар йўқлиги туфайли, препарат фақат шифокор кўрсатмаси бўйича қўлланиши мумкин.

Ҳомиладорлик ва лактация даврида қўлланиши.

Ҳомиладорлик ва лактация даврида препаратнинг хавфсизлиги тўғрисида маълумотлар йўқ. Препаратни ҳомиладорлик ва лактация даврида, фақат фойда/хавф нисбати баҳолангандан сўнг шифокор кузатуви остида қўллашга рухсат берилади.

Авторанспортни ва бошқа потенциал хавфли механизмларни бошқариш қобилиятига таъсири.

Препарат авторанспортни ва бошқа потенциал хавфли механизмларни бошқариш қобилиятига таъсир қилмайди.

Препарат болалар ололмайдиган жойда сақлансин ва ўрамида кўрсатилган яроқлилик муддати ўтганидан сўнг ишлатилмасин.

 

Дозани ошириб юборилиши

Препарат атайин юқори дозаларда қабул қилинганида, ёки максимал суткалик дозадан ортиқ дозаларда узоқ муддат қўлланганида, қуйидаги симптомлар бўлиши мумкин: диарея, кўнгил айниши, жиғилдон қайнаши, терини қичишиши, қонда трансаминаза даражасини ошиши.

Даволаш: препаратни бекор қилиш, симптоматик даволаш, специфик антидоти йўқ.

Чиқарилиш шакли

10 таблеткадан контур уяли ўрамда. Бир, беш контур ўрамлар қўллаш бўйича йўриқномаси билан бирга картон қутига жойланган.

 

Сақлаш шароити

Намликдан ва ёруғликда ҳимояланган, 25оС дан юқори бўлмаган ҳароратда сақлансин.

 

Яроқлилик муддати

4 йил.

Дорихоналардан бериш тартиби

Рецептсиз.

 

ИМЕЮТСЯ ПРОТИВОКАЗАНИЯ. НЕОБХОДИМО ОЗНАКОМИТЬСЯ С ИНСТРУКЦИЕЙ
ПО ПРИМЕНЕНИЮ ИЛИ ПОЛУЧИТЬ КОНСУЛЬТАЦИЮ СПЕЦИАЛИСТА

Лекарственные средства, информация о которых представлена на сайте, могут иметь противопоказания к их применению и использованию. Перед использованием необходимо ознакомиться с инструкцией по применению или получить консультацию у специалистов.