📜 Инструкция по применению Акорта®
💊 Состав препарата Акорта®
✅ Применение препарата Акорта®
📅 Условия хранения Акорта®
⏳ Срок годности Акорта®

ҚЎЛЛАШ БЎЙИЧА ЙЎРИҚНОМА

АКОРТА®

AKORTA®

 

Препаратнинг савдо номи: Акорта®

Таъсир этувчи модда (ХПН): розувастатин

Дори шакли: плёнка қобиқ билан қопланган таблеткалар

Таркиби

Ҳар бир таблетка қуйидагиларни сақлайди:

фаол модда: розувастатин кальций – 10,4 мг ёки 20,8 мг (сувсиз моддага қайта ҳисобланганда, бу 10,0 мг ёки 20,0 мг розувастатин миқдорига эквивалент);

ёрдамчи моддалар

таблетканинг ядроси:

10 мг доза учун – 89,50 мг лактоза моногидрати (сут қанди), 29,82 мг микрокристалл целлюлоза, 10,90 мг кальций гидрофосфати (Е341), 7,50 мг кросповидон, 1,88 мг магний стеарати;

20 мг доза учун – 179,00 мг лактоза моногидрати (сут қанди), 59,64 мг микрокристаллик целлюлоза, 21,80 мг кальций гидрофосфати (Е341), 15,00 мг кросповидон, 3,76 мг магний стеарати;

қобиғи:

10 мг доза учун – 6,00 мг ОПАДРАЙ II 30К240001 Пушти (OPADRAY II 30K240001 Pink) [2,40 мг лактоза моногидрати (сут қанди), 1,68 мг гипромеллоза (гидроксипропилметилцеллюлоза), 1,413 мг титан диоксиди, 0,48 мг триацетин (глицерил триацетати), 0,027 мг темир (III) оксиди бўёвчиси];

20 мг доза учун – 12,00 мг ОПАДРАЙ II 30К240001 Пушти (OPADRAY II 30K240001 Pink) [4,80 мг лактоза моногидрати (сут қанди), 3,36 мг гипромеллоза (гидроксипропилметилцеллюлоза), 2,826 мг титан диоксиди, 0,96 мг триацетин (глицерил триацетати), 0,054 мг темир (III) оксиди бўёвчиси].

Таърифи: оч-пуштидан пушти ранглигача, думалоқ, икки ёқлама қавариқ, плёнка қобиқ билан қопланган таблеткалар. Бўлинганида оқдан оч сариқ ранглигача бўлади.

Фармакотерапевтик гуруҳи: гиполипидемик восита – ГМГ-КоА-редуктаза ингибитори.

АТХ коди: С10АА07

Фармакологик хусусиятлари

Фармакодинамикаси

Розувастатин 3-гидрокси-3-метилглутарил-КоА ни холестериннинг ўтмишдоши ҳисобланган мевалонатга айлантирувчи фермент гидроксиметилглутарил-коэнзим А (ГМГ-КоА)-редуктазанинг селектив рақобатли ингибиторидир. Розувастатин таъсирининг асосий нишони жигар ҳисобланади, у ерда холестерин (ХС) синтези ва паст зичликдаги липопротеинлар (ПЗЛП) катаболизми амалга ошади. Розувастатин ПЗЛП ни қамраб олиниши ва катаболизмини ошириб, гепатоцитларнинг юзасидаги ПЗЛП рецепторлари сонини оширади. У шунингдек жигар хужайраларида ХС жуда паст зичликдаги липопротеинлар (ЖПЗЛП) синтезини тормозлайди, шу тариқа ПЗЛП ва ЖПЗЛП нинг умумий миқдорини камайтиради.

Розувастатин холестерин-ПЗЛП, умумий холестерин ва триглицеридлар (ТГ) концентрациясини камайтиради, юқори зичликдаги липопротеин холестерини (ХС-ЮЗЛП) концентрациясини оширади, шунингдек аполипопротеин В (АпоВ), холестерин-ЮЗЛП бўлмаган (ХС-ЮЗЛП дан ташқари умумий ХС концентрацияси), ХС-ЖПЗЛП, ТГ-ЖПЗЛП концентрациясини камайтиради ва аполипопротеин А-I (АпоА-I) концентрациясини оширади. Розувастатин ХС-ПЗЛП/ХС-ЮЗЛП, умумий ХС/ХС-ЮЗЛП, ХС-ЮЗЛП бўлмаган/ХС-ЮЗЛП ва АпоВ/АпоА-I нисбатини камайтиради.

Гиполипидемик таъсири буюрилган дозага тўғри пропорционал.

Терапевтик самараси даволаш бошланганидан кейин 1 ҳафта давомида ривожланади, 2 ҳафтадан кейин бўлиши мумкин бўлган максимал самаранинг 90% га эришади, максимал терапевтик самарага 4 хафтдан кейин эришилади ва препаратни кейинчалик қабул қилинганида самара бир маромда ушлаб турилади.

Гиперхолестеринемияси бўлган ёки гипертриглицеридемияси бўлмаган (риқи, жинси ёки ёшидан қатъий назар) пациентларда, шу жумладан қандли диабети ва оилавий гиперхолестеринемиянинг наслий шакли бўлган пациентларда самарали.

Фенофибрат билан (ТГ концентрациясини камайтиришга нисбатан) ва липидларни камайтирувчи дозаларда (суткада 1 г дан юқори) никотин кислотаси билан (холестерин-ЮЗЛП концентрациясини оширишга нисбатан) мажмуада қўлланилганида аддитив самараси кузатилади.

Фармакокинетикаси

Сўрилиши: мутлоқ биокираолишлиги – 20% ни ташкил қилади. Овқат сўрилиш тезлигини пасайтиради. Ичга қабул қилинганидан кейин максимал концентрацияга эришиш вақти (ТСmax) – 3-5 соатни ташкил этади. Йўлдош тўсиғи орқали ўтади.

Тақсимланиши: розувастатин холестерин синтези ва ХС-ПЗЛП метаболизмининг жойи ҳисобланган асосан жигар томонидан ўзлаштирилади. Тақсимланиш хажми тахминан 134 л ни ташкил этади. Қон плазмаси оқсиллари билан (асосан альбуминлар билан) боғланиши – 90% ни ташкил қилади.

Метаболизми: қабул қилинган дозанинг 10% жигарда метаболизмга учрайди. Розувастатин цитохром Р450 тизими ферментлари томонидан метаболизм учун махсус бўлмаган субстрати ҳисобланади. CYP2C9 розувастатиннинг метаболизмида иштирок этувчи асосий изофермент ҳисобланади, айни вақтда CYP2С19, CYP3А4, CYP2D6 изоферментлари унинг метаболизмида камроқ даражада иштирок этади.

Айланиб юрадиган ГМГ-КоА-редуктазани сусайтириш бўйича 90% дан юқори фармакологик фаоллик розувастатин томонидан, қолган қисми – унинг метаболитлари томонидан таъминланади. Розувастатиннинг аниқланган асосий метаболитлари бўлиб N-дисметил ва лактон метаболитлари ҳисобланади. N-дисметил розувастатинга нисбатан тахминан 50% га камроқ фаол, лактон метаболитлари фармакологик фаол эмас.

Чиқарилиши: асосан ўзгармаган шаклда (90%) ичак орқали (шу жумладан сўрилган ва сўрилмаган розувастатин) чиқарилади; қолган қисми – буйраклар орқали чиқарилади. Ярим чиқарилиш даври (Т1/2) тахминан 19 соатни ташкил этади. Препаратнинг дозаси оширилганида ярим чиқарилиш даври ўзгармайди. Плазмадаги клиренсининг ўртача геометрик кўрсаткичи тахминан соатига 50 л (вариация коэффициенти 21,7%) ни ташкил этади. Бошқа ГМГ-КоА-редуктаза ингибиторлари билан бўлгани каби, розувастатинни жигар орқали чиқарилишида муҳим роль бажарувчи розувастатинни “жигар” томонидан қамраб олиниши жараёнида холестериннинг мембрана ташувчиси (органик анионларнинг транспорт С оқсили) жалб этилади.

Розувастатиннинг тизимли экспозицияси дозага пропорционал равишда ошади. Препаратни ҳар куни қабул қилинганида фармакокинетик кўрсаткичларини ўзгариши кузатилмайди.

Пациентнинг жинси ва ёши розувастатиннинг фармакокинетикасига клиник аҳамиятли даражада таъсир қилмайди.

Этник гуруҳлар

Фармакокинетик тадқиқотлар европаликларга нисбатан монголоид ирққа мансуб (японлар, хитойликлар, филиппинлар, вьетнамликлар ва корейс) пациентларда розувастатиннинг AUC (“концентрация-вақт” эгри чизиғи остидаги майдон) ва Сmax (қон плазмасидаги максимал концентрацияси) медианасини тахминан икки марта ошишини кўрсатди; ҳинд пациентларда AUC ва Сmax медианасини 1,3 марта ошиши кўрсатилган. Фармакокинетик таҳлил европаликлар ва негроид ирққа мансуб пациентлар орасида препаратнинг фармакокинетикасида клиник аҳамиятли фарқларни аниқламаган.

Буйрак етишмовчилиги

Енгил ва ўртача яққолликдаги буйрак етишмовчилиги бўлган пациентларда розувастатин ёки N-дисметилнинг плазмадаги концентрацияси сезиларли даражада ўзгармайди. Оғир буйрак етишмовчилиги (креатинин клиренси (КК) минутига <30 мл) бўлган пациентларда соғлом кўнгиллиларга нисбатан розувастатиннинг қон плазмасидаги концентрацияси 3 марта, N-дисметилнинг концентрацияси эса – 9 марта юқори. Гемодиализда бўлган пациентларда розувастатиннинг плазмадаги концентрацияси соғлом кўнгиллиларга нисбатан тахминан 50% га юқори.

Жигар етишмовчилиги

Чайлд-Пью шкаласи бўйича 7 балл ва ундан паст турли босқичдаги жигар етишмовчилиги бўлган пациентларда розувастатиннинг Т1/2 ошиши аниқланмаган; Чайлд-Пью шкаласи бўйича 8 ва 9 балл бўлган 2 та беморларда Чайлд-Пью шкаласи бўйича пастроқ кўрсаткичларга эга бўлган пациентларга нисбатан Т1/2 2 марта ошиши аниқланган. Жигар фаолиятини яққолроқ бузилишлари (Чайлд-Пью шкаласи бўйича 9 баллдан юқори) бўлган пациентларда препаратни қўллаш тажрибаси йўқ.

Генетик полиморфизм

ГМГ-КоА-редуктаза ингибиторлари, шу жумладан розувастатин ОАТР1В1 (ГМГ-КоА-редуктазани гепатоцитлар томонидан қамраб олинишида иштирок этувчи органик анионларнинг транспорт полипептиди) транспорт оқсиллари ва BCRP (эффлюкс транспортер) билан боғланади. SLCO1B1 (OATP1B1) c.521CC ва/ёки ABCG2 (BCRP) c.421AA генотипи ташувчиларида SLCO1B1 c.521ТТ ва ABCG2 c.421СС генотипи ташувчиларига нисбатан розувастатиннинг экспозициясини (AUC) ошиши хавфи мавжуд.

Қўлланилиши

Фредриксен бўйича бирламчи гиперхолестеринемия (IIа тури, шу жумладан оилавий гетерозигот гиперхолестеринемия) ёки аралаш гиперхолестеринемияда (IIb тури) парҳез ёки даволашнинг медикаментоз бўлмаган усуллари (масалан, жисмоний машқлар, тана вазнини камайтириш) етарли бўлмаганида парҳезга қўшимча сифатида қўлланади.

Оилавий гомозигот гиперхолестеринемия – парҳезга ёки бошқа липидлар миқдорини камайтирувчи даволашга (масалан, ПЗЛП-аферез) қўшимча сифатида ёки бундай даволаш самарали бўмаган ҳолларда.

Гипертриглицеридемия (Фредриксен бўйича IV тур) парҳезга қўшимча сифатида.

Умумий ХС ва ХС-ПЗЛП концентрациясини камайтириш учун даволаш буюрилган пациентларда парҳезга қўшимча сифатида атеросклерозни авж олишини секинлаштириш учун қўлланади.

Юрак ишемик касаллигини (ЮИК) клиник белгиларисиз, аммо уни ривожланишини юқори хавфи (эркаклар учун 50 ёшдан ва аёллар учун 60 ёшдан юқоридагилар, С реактив оқсил концентрациясини ошиши (≥2 мг/л), артериал гипертензия, ХС-ЮЗЛП концентрациясини пастлиги, оилавий анамнезда ЮИК ни эрта бошланиши каби хавф омилларидан камида биттасини бўлиши) бўлган пациентларда асосий юрак-қон томир асоратларини (инсульт, инфаркт, артериал реваскуляризация) бирламчи олдини олишда қўлланади.

Қўллаш усули ва дозалари

Препарат билан даволашни бошлашдан олдин пациент стандарт гиполипидемик парҳезга риоя қилишни бошлаши ва даволаш вақтида унга риоя қилишни давом эттириши керак. Даволаш мақсади ва липидларнинг кутилган концентрациялари бўйича умумий қабул қилинган замонавий тавсияларни эътиборга олган ҳолда, терапевтик жавобга қараб препаратнинг дозаси шахсий равишда белгиланади.

Акорта® препаратини сутканинг исталган вақтида, овқат қабул қилишдан қатъий назар, чайнамасдан ва таблеткани майдаламасдан, бутунлигича, сув билан ичга қабул қилинади.

Розувастатиннинг тавсия этилган бошланғич дозаси (агар бошқача буюрилмаган бўлса) – аввал ГМГ-КоА-редуктаза ингибиторларини қабул қилган пациентлар учун ҳам, бошқа ГМГ-КоА-редуктаза ингибиторлари билан даволашдан кейин ушбу дори воситасини қабул қилишга ўтказилган пациентлар учун ҳам суткада 1 марта 10 мг ни ташкил этади. Бошланғич дозани танлашда холестерин концентрациясининг шахсий кўрсаткичларига асосланиш ва юрак-қон томир асоратларини бўлиши мумкин бўлган хавфини эътиборга олиш, шунингдек ножўя самаралар ривожланишини потенциал хавфини баҳолаш керак.

Зарурати бўлганида дозаси 4 ҳафтадан кейин 20 мг гача оширилиши мумкин.

Препаратнинг пастроқ дозаларига нисбатан 40 мг дозаси қабул қилинганида ножўя самаралар ривожланиши мумкинлиги туфайли, дозани 40 мг гача ошириш фақат 20 мг доза қабул қилинганида кутилган натижага эришилмаган ва шифокор кузатуви остида бўладиган оғир гиперхолестеринемияси ва юрак-қон томир асоратларининг юқори хавфи (айниқса оилавий гиперхолестеринемияси бўлган пациентларда) бўлган пациентларда амалга оширилиши мумкин.

Препаратни 40 мг дозада қабул қилаётган пациентларни синчковлик билан кузатиш тавсия этилади. Аввал шифокорга мурожаат этмаган пациентларга 40 мг дозани буюриш тавсия этилмайди. 2-4 ҳафта даволангандан кейин ва/ёки препаратнинг дозаси оширилганида липидлар алмашинувининг кўрсаткичларини назорат қилиш (зарурати бўлганида дозага тузатиш киритиш) керак.

Препаратни 40 мг дозада қабул қилаётган пациентларда буйрак фаолиятининг кўрсаткичларини назорат қилиш тавсия этилади.

Кекса ёшдаги пациентларда дозага тузатиш киритиш талаб этилмайди.

Турли этник гуруҳларга мансуб пациентларда фармакокинетик кўрсаткичлар ўрганилганида японлар ва хитойликлар орасида розувастатиннинг тизимли концентрациясини ошиши аниқланган. Бу фактни ушбу гуруҳ пациентларига буюрилганида эътиборга олиш керак. Монголоид ирққа мансуб пациентларга препаратни 40 мг дозада буюриш мумкин эмас.

Буйрак етишмовчилиги бўлган пациентлар

Енгил ёки ўртача оғирлик даражасидаги буйрак етишмовчилиги бўлган пациентларда дозага тузатиш киритиш талаб этилмайди. Оғир буйрак етишмовчилиги (креатинин клиренси минутига 30 мл дан кам) бўлган пациентларда Акорта® препаратининг барча дозалари қўллаш мумкин эмас. Буйрак фаолиятини ўртача даражада бузилиши (креатинин клиренси минутига 60 мл дан кам) бўлган пациентларда препаратни 40 мг дозада қўллаш мумкин эмас.

Жигар етишмовчилиги бўлган пациентлар

Чайльд-Пью шкаласи бўйича 9 баллдан юқори бўлган пациентларда препаратни қўллаш тажрибаси йўқ. Фаол босқичдаги жигар касаллиги (шу жумладан “жигар” трансаминазалари фаоллигини турғун ошиши, шу жумладан “жигар” трансаминазалари фаоллигини норманинг юқори чегарасидан 3 мартадан кўпроққа ошишининг ҳар қандай ҳолатларида) Акорта® препаратини қўллаш мумкин эмас.

Генетик полиморфизм

SLCO1B1 (OATP1B1) c.521CC ва ABCG2 (BCRP) c.421AA генотипи ташувчиларида SLCO1B1 c.521ТТ ва ABCG2 c.421СС генотипи ташувчиларига нисбатан розувастатиннинг экспозициясини (AUC) ошиши аниқланган. c.521CC ва c.421AA генотипларини ташувчи-пациентларда препаратнинг тавсия этилган максимал дозаси суткада 1 марта 20 мг ни ташкил этади.

Миопатияга мойиллиги бўлган пациентлар

Миопатияни ривожланишига мойиллигини кўрсатувчи омиллари бўлган пациентларга препаратни 40 мг дозада буюриш мумкин эмас.

 

Ёндош даволаш

Розувастатин турли транспорт оқсиллари (хусусан, ОАТР1В1 ва BCRP) билан боғланади. Акорта® препаратини транспорт оқсиллари билан ўзаро таъсири ҳисобига қон плазмасида розувастатиннинг концентрациясини оширадиган дори воситалари (циклоспорин, баъзи ОИТВ протеаза ингибиторлари, шу жумладан ритонавирни атаназанавир, лопинавир ва/ёки типранавир билан комбинацияси каби) миопатиянинг (шу жумладан рабдомиолиз) хавфини ошириши мумкин. Бундай ҳолларда муқобил даволашни буюриш ёки Акорта® препаратини қабул қилишни вақтинча тўхтатиш имконини баҳолаш керак. Агар юқорида кўрсатилган препаратларни қўллаш зарур бўлса, кутилаётган фойда ва Акорта® препарати билан ёндош даволашнинг бўлиши мумкин бўлган хавфи нисбатини баҳолаш ва унинг дозасини камайтириш имконини кўриб чиқиш керак.

Ножўя таъсирлари

Бошқа ГМГ-КоА-редуктаза ингибиторларини қўллагандаги каби ножўя самараларни пайдо бўлиши тез-тезлиги дозага боғлиқ характерга эга.

Ножўя самараларни пайдо бўлиши тез-тезлиги: тез-тез (>1/100, <1/10); тез-тез эмас (>1/1000, <1/100); кам ҳолларда (>1/10000, <1/1000); жуда кам ҳолларда (<1/10000); тез-тезлиги аниқланмаган (мавжуд маълумотлар асосида ҳисоблаб бўлмайди).

Марказий ва периферик нерв тизими томонидан: тез-тез – бош оғриғи, бош айланиши, астеник синдром; тез-тез эмас – хавотирлик, невралгия, парестезия, жуда кам ҳолларда – полинейропатия, амнезия.

Овқат-ҳазм қилиш тизими томонидан: тез-тез – қабзият, кўнгил айниши, қоринда оғриқ; кам ҳолларда – “жигар” трансаминазалари фаоллигини қайтувчан ўтиб кетувчан дозага боғлиқ равишда ошиши, панкреатит; жуда кам ҳолларда – диспепсия (шу жумладан, диарея, метеоризм, қусиш), гастроэнтерит, сариқлик, гепатит.

Нафас тизими томонидан: тез-тез – фарингит; тез-тез эмас – ринит, синусит, бронхил астма, бронхит, пневмония; тез-тезлиги аниқланмаган – йўтал, диспноэ.

Юрак-қон томир тизими томонидан: тез-тез эмас – стенокардия, артериал босимни ошиши, юрак уришини ҳис қилиш, вазодилатация симптомлари (шу жумладан тери гиперемияси).

Таянч-ҳаракат аппарати тизими томонидан: тез-тез – миалгия; тез-тез эмас – артрит, мушак гипертонуси, белда оғриқ, қўл ва оёқ суякларини патологик синиши (шикастланишсиз); кам ҳолларда – миопатия, рабдомиолиз (буйрак фаолиятини бузилиши билан бир вақтда, препаратни 40 мг дозада қабул қилиш фонида); жуда кам ҳолларда – артралгия; тез-тезлиги аниқланмаган – иммунитетга боғлиқ некротик миопатия; баъзида узилишлар билан асоратланган тендопатиялар.

Сийдик чиқариш тизими томонидан: протеинурия (1% дан кам ҳолларда – 10 мг ва 20 мг доза учун, 3% ҳолларда – 40 мг доза учун). Кўпгина ҳолларда даволаш жараёнида протеинурия камаяди ёки йўқ бўлади ва ўткир буйрак касаллиги ёки буйракнинг мавжуд касаллигини зўрайишини билдирмайди; жуда кам ҳолларда – гематурия.

Аллергик реакциялар: тез-тез эмас – тери тошмаси, тери қичишиши, эшакеми; кам ҳолларда – ангионевротик шиш; тез-тезлиги аниқланмаган – Стивенс-Джонсон синдроми.

Лаборатор кўрсаткичлар томонидан: қон плазмасида глюкоза, билирубин концентрациясини ошиши, гамма-глутамилтрансфераза, ишқорий фосфотаза фаоллигини ошиши. Креатинфосфокиназа (КФК) фаоллигини дозага боғлиқ равишда ошиши розувастатин қабул қилган пациентларнинг кам сонида кузатилган. Кўпчилик ҳолларда у аҳамиятсиз, симптомсиз ва вақтинчалик бўлган. КФК фаоллигини норманинг юқори чегарасидан 5 мартадан юқорироққа ошишида даволаш вақтинчалик тўхтатилиши керак.

Бошқалар: тез-тез – 2-тур қандли диабет; тез-тез эмас – анемия, кўкрак қафасида оғриқ, экхимозлар, гриппсимон синдром, периодонтал абсцесс; кам ҳолларда – тромбоцитопения; тез-тезлиги аниқланмаган – периферик шишлар, гинекомастия.

Баъзи статинлар қўлланилганида қуйидаги ножўя самаралар ҳақида хабар берилган: дерессия, уйқуни бузилиши, шу жумладан уйқусизлик ва даҳшатли туш кўришлар, жинсий дисфункция. Ўпканинг интерстициал касаллигининг айрим ҳоллари ҳақида хабар берилган, айниқса препаратларни узоқ муддат қўллаганда (Махсус кўрсатмаларга қаранг).

 

Қўллаш мумкин бўлмаган ҳолатлар

10 ва 20 мг суткалик дозадаги препарат учун: розувастатинга ёки препаратнинг ҳар қандай компонентига юқори сезувчанлик, фаол босқичдаги жигар касаллиги (шу жумладан “жигар” трансаминазалари фаоллигини турғун ошиши, шунингдек қон зардобида “жигар” трансаминазалари фаоллигини норманинг юқори чегарасидан 3 мартадан кўпроқ ошишининг ҳар қандай ҳолатлари), буйрак фаолиятини оғир даражали бузилишлари (КК минутига 30 мл дан кам), лактозани ўзлаштираолмаслик, лактаза танқислиги ёки глюкозо-галактоз мальабсорбция синдроми (препарат лактоза сақлайди), миопатия, циклоспоринни бир вақтда қабул қилиш, миотоксик асоратларни ривожланишига мойиллик, ҳомиладорлик, лактация даври; контрацепциянинг ишончли усулларини қўлламаган репродуктив ёшдаги аёлларда қўллаш; 18 ёшгача бўлган болаларда (самарадорлиги ва хавфсизлиги аниқланмаган) қўллаш мумкин эмас.

40 мг суткалик дозада: юқорида санаб ўтилган қўллаш мумкин бўлмаган ҳолатларга қўшимча сифатида препаратни гипотиреоз, шахсий ёки оилавий анамнезидаги мушак касалликлари, анамнезида бошқа ГМГ-КоА-редуктаза ингибиторларини ёки фибратларни қабул қилиш фонида миотоксиклик, алкоголни ҳаддан зиёд қабул қилиш, қон плазмасида розувастатиннинг концентрациясини ошишига олиб келувчи ҳолатлар, монголоид ирқдаги пациентлар, фибратларни бир вақтда қабул қилиш, ўртача оғирлик даражасидаги буйрак етишмовчилигида (КК минутига 60 мл дан кам) қўллаш мумкин эмас.

Эҳтиёткорлик билан

10 ва 20 мг суткалик дозадаги препарат учун: миопатия/рабдомиолиз ривожланиши хавфини мавжудлиги – буйрак етишмовчилиги, гипотиреоз, шахсий ёки оилавий анамнезидаги наслий мушак касалликлари ва анамнезида бошқа ГМГ-КоА-редуктаза ингибиторлари ёки фибратларни қўлланилганида мушак токсиклиги, алкоголни ҳаддан зиёд истеъмол қилиш, розувастатиннинг плазмадаги концентрациясини ошиши кузатиладиган ҳолатлар, 65 ёшдан ошганлар, анамнезида жигар касалликлари, сепсис, артериал гипотензия, катта жаррохлик аралашувлари, жароҳатлар, оғир метаболик, эндокрин ёки сув-электролит бузилишлари, назоратланмаган тутқаноқ, ирқий мансублик (монголоид ирқ), фибратларни бир вақтда қўллаш.

40 мг суткалик дозадаги препарат учун: енгил оғирлик даражасидаги буйрак етишмовчилиги (КК минутига 60 мл дан юқори); 65 ёшдан ошганлар; анамнезида жигар касалликлари; сепсис; артериал гипотензия; катта жарроҳлик аралашувлари, жароҳатлар, оғир метаболик, эндокрин ёки сув-электролит бузилишлари ёки назоратланмаган тутқаноқ хуружлари.

Дориларнинг ўзаро таъсири

Бошқа препаратларни қўллашнинг розувастатинга таъсири

Транспорт оқсилларининг ингибиторлари: розувастатин баъзи транспорт оқсиллари, хусусан, ОАТР1В1 ва BCRP билан боғланади. Ушбу транспорт оқсилларининг ингибитори бўлган препаратларни ёндош қўллаш қон плазмасида розувастатиннинг концентрациясини ошиши ва миопатия ривожланишининг юқори хавфи билан кечиши мумкин.

Розувастатин циклоспориннинг плазмадаги концентрациясига таъсир қилмайди. Циклоспорин розувастатиннинг самарасини кучайтиради (уни чиқарилишини секинлаштиради, AUC ни 7 марта, Сmax ни 11 марта оширади).

Гемфиброзил розувастатиннинг самарасини кучайтиради (унинг Сmax ва AUC ни 2 марта оширади). Гемфиброзил,фенофибрат ва бошқа фибратлар ва липидлар миқдорини пасайтирувчи дозада никотин кислотаси (суткада 1 г дан юқори) ГМГ-КоА-редуктаза ингибиторлари билан бир вақтда қўлланилганида эҳтимол, монотерапия сифатида қўлланилганида уларнинг ўзи миопатия чақириши мумкинлиги сабабли миопатия пайдо бўлиши хавфини оширади.

Фибратлар билан бирга буюрилганида препаратни 40 мг дозада қабул қилиш мумкин эмас. Гемфиброзил билан буюрилганида розувастатиннинг дозаси суткада 10 мг дан ошмаслиги керак.

Ўзаро таъсирининг аниқ механизми аниқ эмаслигига қарамасдан, ОИТВ протезаси ингибиторлари билан бирга қабул қилиш розувастатиннинг экспозициясини аҳамиятли даражада ошишига олиб келиши мумкин. Соғлом кўнгиллиларда 20 мг розувастатинни иккита ОИТВ-протеза ингибиторини (400 мг лопинавир/100 мг ритонавир) сақловчи мажмуавий препарат билан бир вақтда қўллаш бўйича ўтказилган фармакокинетик тадқиқотда розувастатиннинг AUC(0-24) ва Cmax ни мувофиқ равишда тахминан икки марта ва беш марта ошишига олиб келган. Шунинг учун розувастатин ва ОИТВ-протеазани бир вақтда қабул қилиш тавсия этилмайди.

Алюминий ва магний сақловчи антацидлар розувастатиннинг плазмадаги концентрациясини тахминан 50% га пасайишига олиб келади (антацидларни розувастатинни қабул қилгандан 2 соатдан кейин қўллаш керак, бундай ўзаро таъсирнинг клиник аҳамияти ўрганилмаган).

Эритромицин меъда-ичак йўллари моторикасини кучайтиради, бу розувастатиннинг самарасини пасайишига олиб келади (унинг AUC ни 20% га ва Сmax ни 30% га камайтиради).

In vivo ва in vitro шароитларда ўтказилган тадқиқотлар розувастатин цитохром Р450 изоферментлар тизимининг ингибитори ҳам, индуктори ҳам эмаслигини кўрсатди. Бундан ташқари, розувастатин ушбу ферментлар учун махсус бўлмаган субстрат ҳисобланади. Розувастатин ва флуконазол (CYP2С9 ва CYP3А4 ингибитори) ва кетоконазол (CYP2А6 ва CYP3А4 ингибитори) орасида клиник аҳамиятга эга ўзаро таъсир аниқланмаган. Розувастатин ва итраконазолни (CYP3А4 ингибитори) бирга қўллаш розувастатиннинг AUC ни 28% га (клиник аҳамиятсиз) оширади. Шундай қилиб, цитохром Р450 тизимига боғлиқ метаболизм билан боғлиқ ўзаро таъсир кутилмайди.

Розувастатинни 10 мг дозада ва эзетимибни 10 мг дозада бир вақтда қўллаш гиперхолестеринемияси бўлган пациентларда розувастатиннинг AUC ни ошиши билан кечган.

Аммо нохуш кўринишларни чақириши мумкин бўлган розувастатин ва эзетимибнинг фармакодинамик ўзаро таъсирини инкор этиб бўлмайди.

Розувастатиннинг дозасига тузатиш киритишни талаб этувчи дори воситалари билан ўзаро таъсири (1-жадвалга қаранг)

Розувастатиннинг экспозициясини оширувчи дори воситалари билан бирга қўллаш зарурати бўлганида унинг дозасига тузатиш киритиш лозим. Шунингдек, унинг максимал суткалик дозасига розувастатин билан ўзаро таъсирлашадиган дори воситаларини бир вақтда буюрилмасдан қабул қилинадиган 40 мг доза учун розувастатиннинг экспозициясидан ошмайдиган ҳолда тузатиш киритиш лозим.

1-жадвал. Чоп этилган клиник тадқиқотлар маълумотлари бўйича дори препаратларини бирга қўллашнинг розувастатиннинг экспозициясига таъсири (AUC, кўрсаткичини камайиб бориши тартибида)

Ёндош препаратларни дозалаш тартиби Розувастатинни дозалаш тартиби Розувастатин экспозициясини ўзгариши (AUC)
Циклоспорин 75 мг суткада икки марта, суткада икки марта 200 мг гача, 6 ой 10 мг суткада бир марта, 10 кун 7,1 марта ошиши
Атазанавир 300 мг/ритонавир 100 мг суткада бир марта, 8 кун 10 мг, бир марта 3,1 марта ошиши
Лопинавир 400 мг/ритонавир 100 мг суткада икки марта, 17 кун 20 мг суткада бир марта, 7 кун 2,1 марта ошиши
Гемфиброзил 600 мг суткада икки марта, 7 кун 80 мг, бир марта 1,9 марта ошиши
Элтромбопаг 75 мг суткада бир марта, 10 кун 10 мг, бир марта 1,6 марта ошиши
Дарунавир 600 мг/ритонавир 100 мг суткада икки марта, 7 кун 10 мг суткада бир марта, 7 кун 1,5 марта ошиши
Типранавир 500 мг/ритонавир 200 мг суткада икки марта, 11 кун 10 мг, бир марта 1,4 марта ошиши
Дронедарон 400 мг суткада икки марта Маълумотлар йўқ 1,4 марта ошиши
Итраконазол 200 мг суткада бир марта, 5 кун 10 мг, бир марта 1,4 марта ошиши
Эзетимиб 10 мг суткада бир марта, 14 кун 10 мг, суткада бир марта, 14 кун 1,2 марта ошиши
Фосампренавир 700 мг/ритонавир

100 мг суткада икки марта, 8 кун

10 мг, бир марта ўзгаришсиз
Алеглитазар 0,3 мг, 7 кун 40 мг, 7 кун ўзгаришсиз
Силимарин 140 мг суткада уч марта, 5 кун 10 мг, бир марта ўзгаришсиз
Фенофибрат 67 мг суткада уч марта, 7 кун 10 мг, 7 кун ўзгаришсиз
Рифампин 450 мг суткада бир марта, 7 кун 20 мг, бир марта ўзгаришсиз
Кетоконазол 200 мг суткада икки марта, 7 кун 80 мг, бир марта ўзгаришсиз
Флуконазол 200 мг суткада бир марта, 11 кун 80 мг, бир марта ўзгаришсиз
Эритромицин 500 мг суткада 4 марта, 7 кун 80 мг, бир марта 28% га пасайиши
Байкалин 50 мг суткада уч марта, 14 кун 20 мг, бир марта 47% га пасайиши

Розувастатинни қўллашнинг бошқа препаратларга таъсири

К витамини антагонистлари (масалан, варфарин) ни бир вақтда қабул қилаётган пациентларда розувастатин билан даволашни бошлаш ёки препаратнинг дозасини ошириш протромбин вақтини узайиши (халқаро мувофиқлаштирилган нисбат (ХМН) ни ошиши) олиб келиши мумкин. Розувастатинни бекор қилиш ёки унинг дозасини камайтириш ХМН пасайишига олиб келиши мумкин (бундай ҳолларда ХМН мониторинги тавсия этилади).

Розувастатин перорал контрацептивларнинг самарасини кучайтиради (этинилэстрадиол ва норгестрелнинг AUC ни мувофиқ равишда 26% ва 34% га оширади, буни перорал контрацептивларнинг дозасини танлашда эътиборга олиш лозим). Розувастатин ва гормонал ўринбосар даволашни бир вақтда қўллаш бўйича фармакокинетик маълумотлар йўқ, шундай қилиб, уларни бирга қўллаганда аналогик самарани инкор этиб бўлмайди.

Розувастатинни дигоксин билан клиник аҳамиятли ўзаро таъсири кутилмайди.

Махсус кўрсатмалар

Розувастатиннинг юқори дозалари, айниқса 40 мг қабул қилинганида пациентларда протеинурия, асосан каналчалар туфайли келиб чиққан протеинурия кузатилган, лекин кўпчилик ҳолларда вақти-вақти ёки қисқа муддатли бўлган. Бундай протеинурия буйракнинг ўткир касаллигини пайдо бўлиши ёки буйракнинг мавжуд касаллигини авж олишини билдирмаслиги кўрсатилган. Препаратни 40 мг дозада қабул қилаётган пациентларда даволаш вақтида буйрак фаолиятининг кўрсаткичларини назорат қилиш тавсия этилади.

Жадал жисмоний юкламалардан кейин ёки КФК фаоллигини ошириши мумкин бўлган сабаблар бўлганида КФК фаоллигини аниқлаш мумкин эмас, бу олинган натижаларни нотўғри интерпретациясига олиб келиши мумкин. КФК нинг дастлабки фаоллигини норманинг юқори чегарасидан 5 мартадан кўпроққа ошишида 5-7 кундан кейин такроран текшириш керак. Агар такрорий текшириш КФКнинг дастлабки фаоллигини норманинг юқори чегарасига нисбатан 5 мартадан кўпроққа ошганлигини тасдиқласа, даволашни бошлаш мумкин эмас.

Рабдомиолизнинг хавф омиллари мавжуд бўлган пациентларда даволашнинг хавфи ва бўлиши мумкин бўлган фойда нисбатини кўриб чиқиш ва бутун даволаш курси давомида клиник кузатувни амалга ошириш керак.

Тўсатдан мушак оғриқлари, мушак кучсизлиги ёки спазмлар пайдо бўлган ҳолларда, айниқса лоҳаслик ва иситма билан бирга кузатилган ҳолатлар ҳақида дарҳол шифокорга хабар бериш кераклиги ҳақида пациентларга ахборот бериш керак. Бундай пациентларда КФК фаоллиги даражаси мониторингини амалга ошириш керак. Агар КФК нинг фаоллиги норманинг юқори чегарасидан 5 мартадан кўпроққа ошган бўлган ва агар мушак симптомлари яққол намоён бўлган бўлса ва ҳар кунлик дискомфорт чақирса (ҳатто, агар КФК нинг фаоллиги норманинг юқори чегарасидан 5 мартадан камроқ бўлса ҳам) даволаш тўхтатилиши керак. Агар симптомлар йўқ бўлса ва КФК нинг фаоллиги нормага қайтса, препаратни ёки бошқа ГМГ-КоА-редуктаза ингибиторларини пастроқ дозада пациент ҳолатини синчковлик билан кузатган ҳолда такрорий буюришни масаласини кўриб чиқиш керак. Рабдомиолизнинг симптомлари йўқлигида КФК нинг одатдаги мониторингини амалга ошириш мақсадга мувофиқ эмас.

Даволаш вақтида ёки статинларни, шу жумладан розувастатинни қабул қилиш тўхтатилганида проксимал мушакларнинг турғун кучсизлиги ва қон зардобида КФК фаоллигини ошиши кўринишидаги клиник кўринишлар билан иммунитетга боғлиқ некрозланувчи миопатиянинг жуда кам ҳоллари аниқланган. Мушак ва нерв тизимини қўшимча текшириш, серологик текширувлар, шунингдек иммунодепрессив воситалар билан даволаш талаб этилиши мумкин.

Бошқа ГМГ-КоА-редуктаза ингибиторларини фибрат кислотасининг ҳосилалари (шу жумладан, гемфиброзил), циклоспорин, липидлар миқдорини пасайтирувчи дозада никотин кислотаси (суткада 1 дан ортиқ), микробларга қарши азол препаратлар, ОИТВ протеазаси ингибиторлари ва макролид антибиотиклари билан бирга қабул қилган пациентларда миозит ва миопатиялар ҳолатлари сонини ошиши ҳақида хабар берилган. Гемфиброзил баъзи ГМГ-КоА-редуктаза ингибиторлари билан бирга буюрилганида миопатияни пайдо бўлиши хавфини оширади. Шундай қилиб, розувастатин ва гемфиброзилни бир вақтда қўллаш тавсия этилмайди. Розувастатинни фибратлар ёки липидлар миқдорини пасайтирувчи дозада никотин кислотаси билан бирга қўлланилганида хавф ва бўлиши мумкин бўлган фойда нисбати синчковлик билан баҳоланиши керак. Акорта® препаратини 40 мг дозада фибратлар билан бирга қабул қилиш мумкин эмас.

Миопатияни тахмин қилиш мумкин бўлган ёки иккиламчи буйрак етишмовчилиги ривожланиши мумкин бўлган (сепсис, артериал гипертензия, жаррохлик аралашуви, жароҳат, метаболик синдром, тиришишлар, эндокрин бузилишлар, сув-электролит бузилишлари) ўткир, оғир касалликлари бўлган пациентларга Акорта® препаратини буюриш мумкин эмас.

Бошқа ГМГ-КоА-редуктаза ингибиторлари каби Акорта® препаратини алкоголни суистеъмол қилувчи ёки анамнезида жигар касаллиги бўлган пациентлар алоҳида эҳтиёткорлик билан қабул қилишлари керак.

Даволаш бошланганидан 2-4 ҳафтадан кейин ва/ёки Акорта® препаратининг дозаси оширилганида липид алмашинувининг кўрсаткичларини назорат қилиш лозим (зарурати бўлганида дозага тузатиш киритиш талаб этилади).

Даволаш бошлангунигача ва даволаш бошланганидан 3 ойдан кейин “жигар” трансаминазалари фаоллигини аниқлаш тавсия этилади. Агар қон зардобидаги “жигар” трансаминазалари фаоллиги норманинг юқори чегарасидан 3 марта ошса, препаратнинг дозасини камайтириш ёки қабул қилишни тўхтатиш керак.

Кўпчилик ҳолларда протеинурия даволаш вақтида камаяди ёки йўқ бўлади ва буйракнинг ўткир касаллигини пайдо бўлиши ёки буйракнинг мавжуд касаллигини авж олишини билдирмайди. Гиперхолестеринемия гипотиреоз ёки нефротик синдром билан бирга кечса, асосий касалликларни даволаш розувастатин билан даволаш бошланишидан олдин амалга оширилиши керак.

Препаратни ОИТВ протеазалари ингибиторлари билан бирга қўллаш тавсия этилмайди (“Дориларнинг ўзаро таъсири” бўлимига қаранг).

Баъзи статинлар, айниқса узоқ муддат қўлланилганида ўпканинг интерстициал касаллини айрим ҳоллари ҳақида хабар берилган. Касалликнинг белгилари ҳансираш, балғамсиз йўтал ва умумий ҳолатни ёмонлашиши (ҳолсизлик, тана вазнини камайиши ва иситма) бўлиши мумкин. Ўпканинг интерстициал касаллигига гумон бўлганида статинлар билан даволашни тўхтатиш керак.

Глкозанинг концентрацияси 5,6 дан 6,9 ммоль/л гача бўлган пациентларда розувастатин билан даволаш 2 тур қандли диабет ривожланишини юқори хавфи билан ассоциацияланган.

Ҳомиладорлик ва эмизиш даврида қўлланиши

Акорта® препаратини ҳомиладорлик ва эмизиш даврида қўллаш мумкин эмас. Репродуктив ёшдаги аёллар контрацепциянинг ишончли ва адекват усулларидан фойдаланишлари лозим. Холестерин ва холестерин биосинтезининг бошқа маҳсулотлари ҳомилани ривожланиши учун муҳимлиги туфайли, ГМГ-КоА-редуктазани сусайтиришнинг потенциал хавфи ҳомиладорларда препаратни қўллашнинг фойдасидан юқори. Даволаш жараёнида ҳомиладорлик юзага келганида препаратни қабул қилиш дарҳол тўхтатилиши керак. Розувастатинни кўкрак сути билан ажралишига нисбатан маълумотлар йўқ, шунинг учун эмизиш даврида препаратни қабул қилишни тўхтатиш керак.

Транспорт воситалари, механизмларни бошқариш қобилиятига таъсири

Транспорт воситаларини бошқариш ва диққатни юқори жамлаш ва психомотор реакцияларнинг тезлиги билан боғлиқ ишларни бажаришда эҳтиёткорликка риоя қилиш керак (даволаш вақтида бош айланиши пайдо бўлиши мумкин).

Препарат болалар ололмайдиган жойда сақлансин ва яроқлилик муддати ўтгач қўлланилмасин.

Дозани ошириб юборилиши

Симптомлари: ножўя самараларни кучайиши. Бир неча суткалик дозаларни бир вақтда қабул қилинганида розувастатиннинг фармакокинетик кўрсаткичлари ўзгармайди.

Даволаш: специфик антидоти йўқ. Симптоматик даволаш ва ҳаёт учун муҳим аъзолар ва тизимлар фаолиятини тутиб туришга қаратилган чораларни амалга ошириш тавсия этилади. Жигар фаолиятини ва креатинфосфокиназа фаоллигини назорат қилиш керак. Гемодиализ самарасиз.

Чиқарилиш шакли

Плёнка қобиқ билан қопланган таблеткалар, 10 мг, 20 мг.

10 таблеткадан контур уяли ўрамда.

1, 2, 3 контур уяли ўрамлар қўллаш бўйича йўриқномаси билан картон қутига жойланади.

Яроқлилик муддати

2 йил.

Сақлаш шароити

25оС дан юқори бўлмаган ҳароратда.

Бериш тартиби

Рецепт бўйича берилади.

ИМЕЮТСЯ ПРОТИВОКАЗАНИЯ. НЕОБХОДИМО ОЗНАКОМИТЬСЯ С ИНСТРУКЦИЕЙ
ПО ПРИМЕНЕНИЮ ИЛИ ПОЛУЧИТЬ КОНСУЛЬТАЦИЮ СПЕЦИАЛИСТА

Лекарственные средства, информация о которых представлена на сайте, могут иметь противопоказания к их применению и использованию. Перед использованием необходимо ознакомиться с инструкцией по применению или получить консультацию у специалистов.