ҚЎЛЛАШ БЎЙИЧА ЙЎРИҚНОМА

КОМПЛИВИТ® КАЛЬЦИЙ Д3 

COMPLIVIT CALCII D3

Препаратнинг савдо номи: Компливит® Кальций Д

Таъсир қилувчи модда (ХПН): кальций карбонати, колекальциферол

Дори шакли: чайналадиган таблеткалар

Таркиби:

Фаол компонентлари:

Кальций (кальций карбонати кўринишида – 1,250 г) – 500 мг

Колекальциферол (Д3 витамини) – 0,005 мг (200 ХБ)

қуйидагилар: колекальциферол, d,I – альфа-токоферол, ўртазанжирли триглицеридлар, сахароза, акация камеди, жўхори крахмали, кальций фосфати (Е 341), сув сақловчи гранулят кўринишида.

Ёрдамчи моддалар: лактоза (сут қанди), повидон (қуйи молекуляр поливинилпирролидон), картошка крахмали, натрий кроскармеллоза (вивасол), лимон кислотаси, аспартам, магний стеарати, апельсин хушбўйи (кукунли). 

Таърифи: думалоқ, икки томони қавариқ шаклли, ғадир-будур ғовак юзали, оқдан то оч-сариқ тусли оқ ранглигача бўлган, кучсиз мева ҳидли чайналадиган таблеткалар.

Фармакотерапевтик гуруҳи: кальций-фосфор алмашинувининг регулятори.

АТХ коди: A12AX

Фармакологик хусусиятлари

Таъсири унинг таркибига кирувчи компонентларга боғлиқ бўлган мажмуавий препарат. Кальций ва фосфатлар алмашинувини бошқаради, суяк тўқимасининг резорбциясини пасайтиради ва зичлигини оширади, организмда кальций ва Д3 витаминининг етишмовчилигини тўлдиради, ичакда кальцийни сўрилишини ва буйракларда фосфатларнинг реабсорбциясини (қайта сўрилишини) кучайтиради, суякларнинг минерализациясига ёрдам беради.

Кальций – суяк тўқимасини шаклланишида, қон ивишида, юрак фаолиятининг барқарорлигини тутиб туришда, нерв импульсларини ўтказилиши жараёнларини амалга оширилишида иштирок этади.

Д3 витамини (колекальциферол) – ичакда кальцийни сўрилишига, суяк тўқимасини ва тиш тўқимасини шаклланиши ва минерализациясига ёрдам беради

Кальций ва Д3 витаминини қўлланиши, суякнинг юқори резорбциясини рағбатлантирувчиси бўлган паратиреоид гормонини ишлаб чиқарилишини ошишига тўсқинлик қилади.

Фармакокинетикаси 

Д3 витамини ингичка ичакда сўрилади. Кальций ионланган шаклда ингичка ичакнинг проксимал бўлимида фаол, Д-витаминига боғлиқ транспорт механизми орқали сўрилади.

Қўлланилиши

Остеопорозни (менопаузали, сенил, “стероидли”, идиопатик) олдини олиш ва мажмуавий даволаш. 

Кальций ва/ёки Д3 витаминининг танқислигини олдини олиш ва даволаш.

Қўллаш усули ва дозалари

Ичга қабул қилинади, чайналади ёки бутунлигича ютилади, асосан овқатланиш вақтида.

Катталарга: остеопорозни даволашда – 1 таблеткадан кунига 2-3 марта, остеопорозни олдини олиш учун – 1 таблеткадан кунига 2 марта. Кальций ва Д витаминининг танқислигида: катталарга ва 12 ёшдан ошган болаларга – 1 таблеткадан суткада 1-2 марта. 5 ёшдан 12 ёшгача бўлган болаларга – кунига 1-2 таблеткадан. 3 ёшдан 5 ёшгача бўлган болаларга – шифокорнинг тавсияси бўйича дозаланади.

Ножўя таъсирлари

Аллергик реакциялар. Меъда-ичак йўллари томонидан диспепсик бузилишлар (қабзиятлар, метеоризм, кўнгил айниши, меъдада оғриқ, диарея). Гиперкальциемия ва гиперкальциурия (қон ва сийдикда кальций миқдорини ошиши).

Қўллаш мумкин бўлмаган ҳолатлар

Препаратнинг компонентларига юқори сезувчанлик, гиперкальциемия, гиперкальциурия, кальцийли нефроуролитиаз, Д гипервитаминози, декальцинацияловчи ўсмалар (миелома, суяк метастазлари, саркоидоз), иммобилизация оқибатидаги остеопороз, фенилкетонурия (аспартам сақлайди), ўпка туберулёзи (фаол шакли), сурункали буйрак етишмовчилиги, 3 ёшгача бўлган болалар.

Эҳтиёткорлик билан: ҳомиладорлик, лактация даври

Дориларнинг ўзаро таъсири

Д3 витаминининг фаоллиги, у фенитоин ва барбитуратлар билан бир вақтда қўлланганида пасаяди.

Юрак гликозидлари билан бир вақтда даволанишда ЭКГ ва клиник ҳолатни назорат қилиш керак, чунки кальций препаратлари юрак гликозидларининг терапевтик ва токсик самараларини потенциялаши мумкин.

Кальций ва Д3 витамини препаратлари меъда-ичак йўлларидан тетрациклинларнинг сўрилишини кучайтириши мумкин. Шунинг учун препаратларни қабул қилиш орасидаги вақт интервали 3 соатдан кам бўлмаслиги керак.

Бисфосфонат препаратларини ёки натрий фторидининг сўрилишини пасайишини олдини олиш учун, Компливит® Кальций Д3 ни улар қабул қилинганидан кейин камида икки соат ўтгач қабул қилиш тавсия этилади.

Глюкокортикостероидлар кальцийнинг сўрилишини пасайтиради, шунинг учун глюкокортикостероидлар билан даволаш Компливит® Кальций Д3 нинг дозасини оширишни талаб қилиши мумкин.

Колестерамин препаратлари ва минерал ва ўсимлик мойлари асосидаги сурги воситалари билан бир вақтда даволаш, Д3 витаминининг сўрилишини пасайтириши мумкин.

Тиазид қатори диуретиклари билан бир вақтда қўлланганида гиперкальциемияни юз бериш хавфи ошади, чунки улар кальцийни найчалар орқали реабсорбциясини оширадилар. Фуросемид ва бошқа “ҳалқали” диуретиклар, аксинча, кальцийни буйраклар орқали чиқарилишини оширадилар.

Махсус кўрсатмалар

Компливит® Кальций Д3 аспартам сақлайди, у организмда фенилаланинга айланади, шунинг учун препаратни фенилкетонурияси бўлган беморлар қабул қилмасликлари керак.

Даволаниш даврида доимо кальцийнинг сийдик билан чиқарилишини ва қон плазмасидаги кальций ва креатинин концентрациясини назорат қилиш керак (суткада 7,5 ммоль (суткада 300 мг) дан юқори кальциурия пайдо бўлган ҳолда, дозани камайтириш ёки қабул қилишни тўхтатиш керак).

Кекса одамларда кальцийга бўлган эҳтиёж суткада 1,5 г ни, Д3 витаминига эса – суткада 0,5 – 1 минг ХБ ни ташкил қилади.

Дозани ошириб юборилишидан сақланиш учун Д3 витаминини бошқа манбалардан қўшимча тушишини ҳисобга олиш керак.

Ҳомиладорлик ва эмизиш даврида қўлланиши

Ҳомидорлик даврида кальцийнинг суткалик дозаси 1500 мг дан, Д3 витаминининг суткалик дозаси 600 ХБ дан ошмаслиги керак.

Д витамини ва унинг метаболитлари кўкрак сутига кириши мумкин.

Ҳомиладорлик даврида дозани ошириб юборилиши боланинг рухий ва жисмоний ривожланишини бузилишига олиб келиши мумкин.

Препарат болалар олаолмайдиган жойда сақлансин ва яроқлилик муддати ўтгач қўлланилмасин. 

Дозани ошириб юборилиши

Симптомлари: чанқоқлик, полиурия, иштаҳани пасайиши, кўнгил айниши, қусиш, қабзиятлар, бош айланиши, ҳолсизлик, бош оғриғи, хушдан кетиш ҳолати, кома; давомли қўлланганида: қон томир ва тўқималар кальцинози.

Дозани ошириб юборилишининг лаборатор кўрсаткичлари: гиперкальциурия, гиперкальциемия (плазмадаги кальций тахминан 2,6 ммоль).

Даволаш: регидратация, “ҳалқали” диуретиклар, глюкокортикостероид препаратлар, кальцитонин, бисфосфонатлар, кальцийли чекланган парҳезни буюриш, гемодиализ ўтказиш керак. Дозани ошириб юборилишнинг сиптомлари аниқланган ҳолларда шифокорга мурожаат қилиш керак.

Чиқарилиш шакли  

Чайналадиган таблеткалар [апельсинли].

30, 60, 90, 100 ёки 120 таблеткадан полимер банкаларда. Банкалар бураладиган қопқоқ билан беркитилади. Термокиришувчи ҳимоя қалпоқча билан ўралган ҳар бир банка қўллаш йўриқномаси билан бирга картон қутига жойланади. Ёки 60, 90, 100 ёки 120 таблеткали, қўллаш бўйича йўриқномасининг тўлиқ матнини сақловчи кўп саҳифали этикеткаси билан, термокиришувчи ҳимоя қалпоқча билан ўралган банкалар транспорт тарасига жойланади.

Сақлаш шароити

25ºС дан юқори бўлмаган ҳароратда.

Яроқлилик муддати

3 йил.

Дорихоналардан бериш тартиби

Шифокор рецептисиз.