📜 Инструкция по применению Этопекс
💊 Состав препарата Этопекс
✅ Применение препарата Этопекс
📅 Условия хранения Этопекс
⏳ Срок годности Этопекс

ҚЎЛЛАШ  БЎЙИЧА ЙЎРИҚНОМА

ЭТОПЕКС

ETOPEKS

Препаратнинг савдо номи: Этопекс

Таъсир этувчи модда (ХПН): этопозид

Дори шакли: инфузия учун эритма тайёрлаш учун концентрат

Таркиби:

Ҳар бир флакон қуйидагиларни сақлайди:

фаол модда: 100 мг этопозид;

ёрдамчи моддалар: бензил спирти, сувсиз лимон кислотаси, абсолют этанол, полисорбат 80, ПЭГ 300.

Таърифи: бироз қовушқоқ, тиниқ, кўринадиган заррачаларни сақламайдиган, оч-сариқ рангли эритма.

Фармакотерапевтик гуруҳи: ўсмаларга қарши восита, алкалоид.

АТХ коди: L01CB01.

Фармакологик хусусиятлари

Фармакодинамикаси

Этопозид подофиллотоксиннинг яримсинтетик ҳосиласидир. Таъсир механизми топоизомерази II ни ингибиция қилиш билан боғлиқ. Этопозид ДНК ни шикастлаши ҳисобига цитотоксик таъсир кўрсатади. Препарат митотик циклнинг G2-фазаси ва кечки S-фазасида митозни блоклаб, хужайраларнинг ўлимини чақиради. Препаратнинг юқори дозалари премитотик фазада хужайраларнинг лизисини чақиради. Этопозид шунингдек плазматик мембрана орқали нуклеотидларнинг киришини бостиради, бу ДНК нинг синтези ва тикланишига тўсқинлик қилади.

Фармакокинетикаси

Вена ичига юборилганидан кейин, қон плазмасидаги максимал концентрацияси (Сmax)
30 мкг/мл ни ташкил қилади ва 1-2 соатдан кейин эришилади. Препарат плевра суюқлигида, сўлакда, жигар, талоқ, буйрак тўқимасида, бош мия тўқималарида аниқланади. Орқа мия суюқлигидаги этопозиднинг концентрациясини кўрсаткичлари қон плазмасидаги концентрациясидан аниқланмайдигандан то 5% кўрсаткичларгача ўзгаради. Этопозид гематоэнцефалик ва йўлдош тўсиқларидан ўтади. Қон плазмаси оқсиллари билан боғланиши тахминан 97% ни ташкил қилади. Препаратнинг умумий клиренси – минутига 16-36 мл/м2 ни ташкил қилади.

Этопозид организмда фаол метаболизмга учрайди. Чиқарилиши икки фазали усулда амалга оширилади. Жигар ва буйрак фаолияти нормал бўлган катталарда ярим чиқарилиш даври (Т1/2) бошланғич фазада ўртача 0,6-2 соатни ва терминал фазада – 5,3-11 соатни ташкил қилади. Буйраклар орқали – 40-60% ўзгармаган холда ва 15% метаболитлар шаклида 48-72 соатлар давомида чиқарилади. 2-16% ичак орқали 72 соат давомида чиқарилади. Препаратни кўкрак сути билан чиқарилиши бўйича маълумотлар йўқ.

 

Қўлланилиши

Қўллашга асосий кўрсатмалар мояк ва тухумдонларнинг герминоген ўсмалари ва ўпканинг майда хужайрали раки ҳисобланади.

Этопозид мажмуавий даволаш таркибида шунингдек лимфогранулематоз, ноходжкин лимфомаси, ўткир мегобласт ва миелобласт лейкоз, Юинг саркомаси, трофобласт ўсмалар, меъда раки, Капоши саркомаси, нейробластомаларни даволашда ҳам қўлланади.

 

Қўллаш усули ва дозалари

Этопозид химиотерапевтик даволашнинг кўпчилик схемалари таркибига киради, шунинг учун юбориш йўли, тартиби ва дозаларни танлашда, ҳар бир шахсий ҳолда махсус адабиётларнинг маълумотларига таяниш керак.

Этопозид 30-60 минутлик вена ичига инфузия йўли билан юборилади.

Дозалар циклларни ҳар 3 ҳафтада такрорлаш билан 5 кун давомида кунига 50-100 мг/м2 ни ташкил қилади. Шунингдек кўпинча кунора 1-нчи, 3-нчи ва 5-нчи кунлари 50-150 мг/м2 дан юбориш тартиби қўлланади, курслар 21 кун ўтмасдан олдин такрорланмаслиги керак.

Буйрак фаолиятини бузилиши (креатинин клиренси минутига 15-50 мг) бўлган беморларда этопозиднинг дозасини 25% га пасайтириш керак. Креатинин клиренси
<15 мл/мин бўлганида этопозидни қўллаш бўйича маълумотлар йўқ. Такрорий курслар фақат периферик қоннинг кўрсатгичлари нормаллашганидан кейин ўтказилади. Дозани танлашда мажмуадаги бошқа препаратларнинг миелосупрессив таъсирини, шунингдек олдинги нур билан даволаш ва химиотерапиянинг таъсирини хисобга олиш керак.

Ишлатиш олдидан эритмани қаттиқ заррачалар ёки рангини ўзгаришини аниқлаш учун визуал баҳолашни ўтказиш керак.

Юбориш олдидин этопозид натрий хлоридининг 0,9% ли эритмаси ёки декстрозанинг 5% ли эритмаси билан 0,2 ёки 0,4 мг/мл якуний концентрациягача суюлтирилади.

Олинган эритмалар турғунлигини мувофиқ 24 ва 120 соатлар давомида сақлайдилар.

рН > 8 бўлган буферли сувли эритмалар билан контактга йўл қўйиш мумкин эмас.

Ножўя таъсирлари

Қон яратиш аъзолари томонидан: миелосупрессия юборилаётган дозага боғлиқ бўлиб, этопозиднинг дозасини чекловчи асосий токсик кўриниши ҳисобланади. Гранулоцитлар миқдорининг максимал пасайиши одатда препарат юборилганидан кейинги 7-14 кунлари кузатилади. Тромбоцитопения камроқ пайдо бўлади ва тромбоцитлар миқдорининг максимал пасайиши этопозид юборилганидан кейинги 9-16 кунлари кузатилади. Қон кўрсатгичларини тикланиши одатда стандарт доза юборилганидан кейинги 20 куни тикланади. Анемия кам ҳолларда кузатилади.

Овқат ҳазм қилиш тизими томонидан: қўнгил айниши ва қусиш тахминан 30-40% пациентларда пайдо бўлади, ўртача характерга эга ва одатда препаратни бекор қилишга олиб келмайди. Бу ножўя самараларини назорат қилиш учун қусишга қарши препаратлар кўрсатилган. Бундан ташқари, диарея, қорин оғриғи, стоматит, эзофагит, дисфагия, анорексия аниқланади. Этопозиднинг юқори дозалари қўлланганида вақтинчалик гипербилирубинемия, “жигар” трансаминазалари ва ишқорий фосфатаза фаоллигини ошиши кузатилиши мумкин.

Юрак-қон томир тизими томонидан: вена ичига тез юборилганида 1-2% беморларда артериал босимни вақтинчалик пасайиши аниқланади, у одатда юбориш тўхтатилганида ва суюқликлар юборилганида ёки бошқа тутиб турувчи даволашда тикланади. Этопозидни юборишни қайта тиклашнинг зарурати бўлганида, юбориш тезлигини пасайтириш керак. Аритмия ва инфаркт пайдо бўлишини холлари кам ҳолларда кузатилган.

Иммун тизими томонидан: этни увишиши, иситма, тахикардия, бронхоспазм, ҳансираш ва артериал босимни ошиши каби анафилактик реакцияларни эслатувчи симптомлар. Бу реакциялар одатда этопозидни юбориш вақтида ёки дарҳол юборилганидан кейин кузатилади ва юбориш тўхтатилганида ва глюкокортикостероидлар ёки антигистамин дори воситалари қўлланганида тўхтайди. Препарат бекор қилинганидан кейин нафасни тикланиши билан апноэ ва бронхоспазмнинг тўсатдан ўлим билан якунланувчи ҳоллари аниқланган. Шунингдек артериал босимни ошиши ва қонни “оқиб келиши” ҳам аниқланган. Артериал босим одатда инфузия тўхтатилганидан кейин бир неча соатлар давомида нормаллашади.

Тери ва тери қўшимчалари томонидан: баъзида сочларни бутунлай йўқотилишига олиб келувчи қайтувчан алопеция, тахминан 66% беморларда пайдо бўлади. Кам ҳолларда – пигментация, терини қичишиши, тошма, эшакеми, нурли дерматитнинг қайталаниши.

Маҳаллий реакциялар: флебит, препарат тери остига тушганида – хатто атроф тўқималарнинг некрозигача бўлган яққол махаллий таъсирловчи самара.

Бошқалар: кам ҳолларда – периферик нейропатия, уйқучанлик, юқори чарчоқлик, оғизда қолдиқ таъм, иситма, интерстициал пневмонит/ўпкалар фибрози, хавфли экссудатив эритема (Стивенс-Джонсон синдроми), токсик эпидермал некролиз (Лайелл синдроми), кўрув нервининг неврити, пўстлоқ генезли кўришни ўткинчи йўқолиши, мушак тиришлари, метаболик ацидоз, гиперурикемия, жуда кам ҳолларда – ўсмани парчаланиш синдроми (баъзида ўлимга олиб келувчи).

Қўллаш мумкин бўлмаган холатлар

  • этопозидга ёки препаратнинг таркибига қирувчи ёрдамчи моддаларга юқори сезувчанлик;
  • яққол миелосупрессия (нейтрофилларнинг миқдори 1500/мкл дан паст ва/ёки тромбоцитларнинг миқдори 75000/мкл дан паст);
  • жигар фаолиятини яққол бузилиши;
  • ўткир инфекциялар;
  • ҳомиладорлик ва эмизиш даврида қўллаш мумкин эмас.

Эҳтиёткорлик билан

Буйрак етишмовчилиги, алкоголизм, тутқаноқ, болалар ёши (хавфсизлиги ва самарадорлиги бўйича етарли клиник маълумотларнинг йўқлиги туфайли).

Дориларнинг ўзаро таъсири

Этопозидни бир эритмада бошқа дори воситалари билан аралаштириш мумкин эмас.

рН ишқорий қийматига эга бўлган эритмалар билан фармацевтик номутаносиб.

Этопозиднинг ўсмаларга қарши таъсири, у цисплатин билан мажмуада қўлланганида кучаяди (илгари цисплатин билан даволанган беморларда, этопозиднинг чиқарилиши бузилган бўлиши мумкинлигини ҳисобга олиш керак).

Препаратнинг иммуносупрессив таъсири ва оғир инфекция ривожланиши мумкинлиги туфайли, химиотерапия вақтида тирик вакциналарни қўллаш тавсия этилмайди. Вакцинацияни даволаш якунланганидан кейин 3 ой ўтгач ўтказиш керак.

Қўллашдаги эҳтиёткорлик чоралари

Этопекс препаратини фақат цитотоксик дори воситалари билан даволаш тажрибасига эга бўлган шифокорнинг доимий кузатуви остида қўллаш керак.

Этопекс препарати билан ишлашда цитотоксик препаратлар билан муомала қилиш қоидаларига риоя қилиш керак. Тери ёки шиллиқ қаватлари билан контакт холида, дарҳол шикастланган соҳаларни совунли сув билан ювиш керак.

Тромбоцитлар сони 50000/мкл дан камга ва/ёки нейтрофилларнинг мутлоқ сони 500/мкл гача пасайган холда даволашни қоннинг кўрсатгичлари тўлиқ тиклангунича тўхтатиш керак.

Анафилактик реакциялар пайдо бўлганида Этопекс препаратини қўллашни тўхтатиш ва глюкокортикостероидлар ва/ёки антигистамин препаратлар билан даволашни бошлаш керак.

Жигар ёки буйрак етишмовчилиги бўлган беморларда дозалаш тартибига тузатиш киритиш ва буйрак ва жигар фаолиятини мунтазам назорат қилиш керак.

Этопекс препарати бошқа ўсмаларга қарши препаратлар билан мажмуада даволанаётган пациентларда, баъзида лейкоз олди фаза билан ҳам, усиз ҳам ўткир лейкоз ривожланиши мумкин.

Эркаклар ва туғруқ ёшидаги аёллар Этопекс препарати билан даволаниш вақтида контрацепциянинг ишончли усулларини ишлатишлари керак.

Вена ичига юбориш учун Этопекс препаратининг эритмаси тўлдирувчи сифатида этил спирти сақлайди, бу жигар касалликлари, алкоголизми ва тутқаноғи бўлган пациентлар учун, шунингдек болалар учун хавф омили бўлиши мумкин.

Махсус кўрсатмалар

Этопозид цитотоксик ўсмаларга қарши препарат бўлганлиги туфайли, уни тўғри ишлатиш ва у билан тўғри муомала қилиш чораларига риоя қилиш керак. Инфузияни фақат ўсмаларга қарши препаратлар билан ишлашни етарлича тажрибасига эга бўлган тиббий ходимлар ўтказишлари мумкин. Тиббий ходимларга қўлқопларда ишлаш тавсия этилади.  Тери ёки шиллиқ қаватлар билан контакт ҳолида шикастланган соҳаларни дарҳол совунли сув билан ювиш керак.

Суяк кўмиги фаолиятини сусайиши этопозиднинг дозасини чекловчи таъсири ҳисобланади. Қоннинг таркибини мунтазам кузатувини даволашни бошлаш олдидан, танаффусларда ва этопозиднинг ҳар бир кейинги курси олдидан ўтказиш керак. Агар этопозид билан даволашгача нурли даволаш ва/ёки химиотерапия ўтказилган бўлса, суяк кўмиги фаолиятини тикланишини таъсинлаш учун, бу икки даволаш турлари орасидаги етарлича интервалга риоя қилиш керак.

Тромбоцитлар сони 50000/мкл дан камга ва/ёки нейтрофилларнинг мутлоқ сони 500/мкл гача пасайган ҳолда даволашни қоннинг кўрсатгичлари тўлиқ тиклангунича тўхтатиш керак.

Анафилактик реакциялар пайдо бўлганида этопозидни юборишни тўхтатиш ва глюкокортикостероидлар ва/ёки антигистамин препаратлар, инфузион даволаш билан даволашни бошлаш керак.

Жигар ёки буйрак етишмовчилиги бўлган беморларга препаратни буюришда эҳтиёткорликка риоя  қилиш керак.

Бу препарат мутаген таъсирга эга бўлганлиги туфайли, у одам сперматозоидларининг хромосомаларини шикастланишини чақириши мумкин; шунинг учун этопозид билан даволанаётган эркаклар, контрацептив воситаларни ишлатишлари керак.

Этопозид ва бошқа ўсмаларга қарши препаратлар билан мажмуада даволанаётган пациентларда, баъзида лейкоз олди фаза билан ҳам, усиз ҳам ўткир лейкоз ривожланиши мумкин.

Этопозид фақат вена ичига инфузия шаклида юбориш учун мўлжалланган, бошқа юбориш йўллари рухсат этилмайди. Препаратни юборишни эҳтиёткорлик билан ўтказиш, инфузия вақтида экстравазацияга йўл қўймаслик керак. Лекин, агар экстравазация юз берса, қуйдаги чоралар ўтказилади:

  • ачишиш ҳисси пайдо бўлган заҳоти юборишни тўхтатиш керак;
  • шикастланган жой атрофига кортикостероиднинг (гидрокортизоннинг) тери ости инъекцияси ўтказилади;
  • эритеми йўқолмагунича шикастланган сохага 1% ли гидрокортизон суртмаси суртилади;
  • шикастланган соҳага 24 соатга қуруқ боғлов қўйилади.

Этопозид тўлдирувчи сифатида этанол сақлайди: бу жигар касалликлари, алкоголизми ва тутқаноғи бўлган пациентлар учун, шунингдек болалар учун хавф омили бўлиши мумкин.

Ҳомиладорлик ва лактация даврида қўлланиши

Ҳомиладорликда қўллаш мумкин эмас (мутаген, тератоген, канцероген таъсири бўлиши мумкин).

D – FDA бўйича хомилага таъсир қилиш категорияси.

Даволаниш вақтида эмизишни тўхтатиш керак (этопозидни кўкрак сутига ўтиши номаълум).

Транспорт воситалари, механизмларни бошқариш қобилятига таъсири

Уйқучанлик, бош оғриғи ва онгни чалкашиши каби ножўя самаралари бўлишининг эҳтимоли туфайли, диққатни юқори жамлашни ва психомотор реакциялар тезлигини талаб қилувчи потенциал хавфли фаолият турлари билан шуғулланишда эҳтиёткорликка риоя қилиш керак.

Препарат болалар ололмайдиган жойда сақлансин ва яроқлилик муддати ўтгач ишлатилмасин.

Дозани ошириб юборилиши

Дозани ошириб юборилишининг асосий тахмин қилинган кўринишлари – миелосупрессия ва меъда-ичак йўллари томонидан токсик самаралар. Даволаш – симптоматик. Специфик антидотии номаълум.

Чиқарилиш шакли

Бромбутилкаучукли тиқин ва пластик компонентили синдириб олинадиган алюмин қопқоқли рангсиз флаконлар (I тур). 1 флакондан йўриқномаси билан картон қутида.

Сақлаш шароити

25оС дан юқори бўлмаган хона хароратида сақлансин. Ёруғликдан ҳимоялансин ва оригинал ўрамида сақлансин.

Яроқлилик муддати

2 йил.

Дорихоналардан бериш тартиби

Рецепт бўйича.

ИМЕЮТСЯ ПРОТИВОКАЗАНИЯ. НЕОБХОДИМО ОЗНАКОМИТЬСЯ С ИНСТРУКЦИЕЙ
ПО ПРИМЕНЕНИЮ ИЛИ ПОЛУЧИТЬ КОНСУЛЬТАЦИЮ СПЕЦИАЛИСТА

Лекарственные средства, информация о которых представлена на сайте, могут иметь противопоказания к их применению и использованию. Перед использованием необходимо ознакомиться с инструкцией по применению или получить консультацию у специалистов.