ҚЎЛЛАШ БЎЙИЧА ЙЎРИҚНОМА

СОФОС

SOFOS

Препаратнинг савдо номи: Софос

Таъсир этувчи модда (ХПН): софосбувир

Дори шакли: плёнка қобиқ билан қопланган таблеткалар

Таркиби:

1 таблетка қуйидагиларни сақлайди:

фаол модда: софосбувир – 400 мг;

ёрдамчи моддалар: микрокристалл целлюлоза (Avicel рH 102), аэросил R-200, натрий кроскармеллоза, магний стеарати, гипромеллоза, тальк, поливинилпирролидон К-30, титан диоксиди, темир (III) оксиди бўёвчиси, полиэтиленгликоль 6000, изопропил спирти

Таърифи: узунчоқ, икки томони қавариқ, сариқ рангли, плёнка қобиқ билан қопланган, бир томонида «Genix» гравировкаси ва бошқа томони силлиқ таблеткалар.

Фармакотерапевтик гуруҳи: вирусларга қарши восита

АТХ коди: J05AX15

Фармакологик хусусиятлари

Софосбувир нуклеотид аналоги, С гепатити вируси NS5B структурасиз оқсилнинг полимераза ингибитори ҳисобланади.

ИЮПАК номенклатураси бўйича Софосбувирнинг номи:  (S) -Изопропил 2 – ((S) – (2R, 3R, 4R, 5R) -5- (2,4-диоксо-3,4-дигидропиримидин-1 (2H) -ил) – 4-фтор-3-гидрокси-4-метилтетрагидрофуран-2-ил) метокси) – (фенокси) фосфориламино) пропаноати. У  C₂₂H₂₉FN₃O₉P молекуляр формулага эга. Препаратни молекуляр оғирлиги 529.45 ни ташкил қилади.

Таъсир механизми

Софосбувир С гепатити вирусига қарши бевосита таъсир кўрсатувчи вирусларга қарши восита ҳисобланади. Софосбувир СГВ NS5B вирусни репликацияси учун зарур РНК –боғлиқ РНК –полимераза ингибитори ҳисобланади. Софосбувир – бу хужайра ичи метаболизмида уридиннинг аналоги фармакологик фаол трифосфатига (GS-461203), хосил бўладиган нуклеотидли препарат ҳисобланади, бунда NS5B полимераза ёрдамида гепатит С вирусининг РНК си киради ва занжир терминатори каби таъсир кўрсатади. Биокимёвий таҳлилда GS-461203  IC50 0,7 дан 2,6 мкм диапазонда 1b, 2а, 3а ва 4а генотипдаги С гепатити вирусининг NS5B рекомбинант оқсил полимераза фаоллигини ингибиция қилади. GS-461203 инсоннинг ДНК ва РНК полимеразаларнинг ва митохондриал РНК полимеразанинг ингибитори ҳисобланмайди.

Фармакокинетикаси

Сўрилиши

• Қон плазмасида максимал концентрациясига: 0,5-2 соатдан кейин эришилади (Софосбувир); 2-4 соат (метаболит GS -331007) .
• Рибаверин билан бирга юборилганда AUC (пэг-интерферон билан ёки усиз):
  828 нг*соат/мл (софосбувир); 6790 нг*соат (метаболити GS -331007).

Тақсимланиши

• Инсоннинг плазма оқсиллари билан боғланади: 61-65% (софосбувир); GS-331007 метаболити учун минимал.

Метаболизми:

• Жигар
• Субстрат: Р-гликопротеин дориларини ташиш учун ва сут бези ракининг резистентлик оқсили учун субстрат ҳисобланади (софосбувир учун субстрат, бироқ GS -331007 метаболити учун эмас).

Чиқарилиши.

• Сийдик орқали (78% метаболит GS -331007; 3,5% софосбувир)
• Ярим чиқарилиш даври: 0,4 соат (софосбувир); 27 соат (GS -331007 метаболити).

Қўлланилиши

Софос фаол модда, 18 ёш ва ундан ошган катталарда С гепатити вируси инфекциясини даволаш учун мўлжалланган софосбувир сақлайди,.

С гепатити жигарни зарарлайдиган вирус ҳисобланади. Ушбу препарат организмда С гепатити вирусининг миқдорини камайтириш йўли билан ишлайди ва аниқ давр мобайнида қондан вирусни бартараф этади.

Софосбувир билан даволашни буюришда қуйидаги бўлимлар ҳисобга олиниши лозим:

• ССГ ни даволаш учун Софосбувир билан монотерапия ўтказиш тавсия этилмайди.
• Даволаш тартиби ва давомийлиги ҳам вируснинг генотипига, ҳам пациентни аниқ популяцияга мансублигига боғлиқ*.
• Даволашга жавоб реакцияси дастлабки даражасига қараб ўзгаради.

Қўллаш усули ва дозалари

Буйрак етишмовчилиги бўлган пациентлар: Енгил ёки ўртача буйрак етишмовчилиги бўлган пациентларда дозага тузатиш киритиш талаб этилмайди. Оғир буйрак етишмовчилиги ёки СБЕ бўлган пациентлар учун Софосбувирнинг хавфсизлиги ва самарадорлиги тасдиқланмаган. СБЕ бўлган пациентлар учун дозалаш бўйича тавсиялар йўқ.

Жигар етишмовчилиги бўлган пациентлар: Енгил, ўртача ва оғир жигар етишмовчилиги бўлган пациентларда Софосбувирнинг дозасига тузатиш киритиш талаб этилмайди.

Дозалаш ва қўлланилиши: Софосбувирнинг тавсия этилган дозаси 400 мг дан 1 таблетка перорал, кунига 1 марта овқат вақтида ёки усиз қўлланади. Софосбувирни рибавирин билан мажмуада ёки пегилирланган интерферон билан мажмуада ва катталарда ССГ даволаш учун рибавирин билан мажмуада қўллаш лозим.

1–жадвал. Тавсия этилган схема ва Софосбувир билан мажмуавий даволаш давомийлиги.

1. пэг-интерферон альфанинг қўллаш бўйича йўриқномасида 1 ёки 4 генотипдаги сурункали С гепатити бўлган пациентлар учун дозалаш бўйича тавсияларга қаралсин.

б. Рибаверинни тана вазнига асосланган дозаси (<75 кг = 1000 мг ва  ≥75 кг = 1200 мг). Рибаверин суткалик дозаси перорал овқат билан бирга икки марта қабулда перорал қўлланади. Буйрак етишмовчилиги бўлган пациентларга (креатинин клиренси минутига ≤ 50 мл) рибаверинни дозасини камайтириш талаб этилади.

Даволаш давомийлиги:

ССГ 1 ёки 4 генотипдаги пациентлар софосбувир  + пэгинтерферон альфа +  рибавирин 12 ҳафта.

ССГ 2 генотипдаги пациентлар софосбувир  + рибавирин 12 ҳафта.

ССГ 3 генотипдаги пациентлар софосбувир  + рибавирин 24 ҳафта.

1 генотип билан инфекцияланган сурункали С гепатити бўлган ва интерферонни асосида даволаш схемаси кўрсатилмаган пациентларда, Софосбувирни рибавирин билан мажмуада 24 ҳафта давомида даволаш варианти деб ҳисоблаш мумкин.

Софосбувирни рибавирин билан мажмуавий даволашни 48 ҳафта давомида ёки трансплантациядан кейин С гепатити вируси билан реинфекциядан сақланиш учун, жигарни трансплантациясини ўтказгунгача ўтказиш лозим.

Ножўя таъсирлари

Софосбувир ва рибавиринни бирга даволашда кузатиладиган кўпроқ тарқалган ножўя самаралар (кўп ёки 20% га тенг) чарчоқлик ва бош оғриғи ҳисобланади. Софосбувирни пэгинтерферон альфа ва рибавирин билан мажмуавий даволашда кўпроқ кенг тарқалган нохуш реакциялардан бу чарчоқлик, бош оғриғи, кўнгил айниши, уйқусизлик ва анемия бўлган. Энг кўп тарқалган қуйидаги ножўя самаралар кузатилиши мумкин (10 инсондан 1 нафарида учраши мумкин):

• иситма, қалтираш, грипп симптомлари
• диарея, кўнгил айниши, қусиш
• уйқу билан муаммолар (уйқусизлик)
• чарчоқлик ҳисси ва таъсирчанлик
• бош оғриғи
• тошма, терини қичишиши
• иштаҳани йўқолиши
• бош айланиши
• мушак оғриғи ва бўғимларда оғриқ
• ҳансираш, йўтал.

Қўллаш мумкин бўлмаган ҳолатлар

Софосбувир рибавирин ёки пэгинтерферон альфа/рибавирин билан мажмуада буюрилади. Мажмуавий  даволаш учун ушбу препаратларнинг қўлланилишига қарши кўрсатмалар бўлиши мумкин. Пэгинтерферон альфа ва рибавиринни қўлланилишига қарши кўрсатмалар ушбу препаратларнинг қўллаш бўйича йўриқномаларига мувофиқ ўтказилади. Софосбувирни рибавирин билан ёки пэгинтерферон альфа /рибавирин билан мажмуавий даволаш ҳомиладор аёлларга ёки ҳомиладорликни режалаштираётган аёлларга ва ҳомиладор аёлнинг шерик-эркакка қўллаш мумкин эмас, чунки рибавирин билан боғлиқ бўлган туғма нуқсонлар ва ҳомиланинг ўлимини хавфи бўлиши мумкин.

Дориларнинг ўзаро таъсири

Ичакда кучли таъсир этувчи Р-гликопротеинлар (P-gp) индукторлари ҳисобланган дори препаратлари (масалан рифампицин, рифабутин, далачой, карбамазепин, фенобарбитал ва фенитоин) қон плазмасида Софосбувирни концентрациясини аҳамиятли камайтириши мумкин, бу Софосбувирнинг терапевтик самарасини камайишига олиб келади ва шунинг учун уни қўллаш мумкин эмас.

Ичакда кучсиз таъсир этувчи Р-гликопротеинлар (P-gp) индукторлари ҳисобланган дори препаратлари (масалан окскарбазепин ва модафинил) қон плазмасида Софосбувирни концентрациясини камайтириши мумкин, бу Софосбувирнинг терапевтик самарасини камайишига олиб келади. Ушбу дори воситаларини софосбувир билан бирга қўллаш тавсия этилмайди.

Р-гликопротеинлар (P-gp) ва/ёки сут бези ракининг резистентлик оқсилини (BCRP) ингибиция қилувчи дори воситаларини бирга қўллаш қон плазмасида Софосбувирнинг концентрациясини ошириши мумкин, бунда қон плазмасида GS-331007 концентрацияси ошмайди, шунинг учун уларни бирга қўллаш мумкин. Софосбувир ва GS-331007 P-gp ва BCRP ингибиторлари ҳисобланмайди, шунинг учун ушбу транспартерларнинг субстратлари ҳисобланган дори воситаларининг ўзаро таъсирининг кучайиши кузатилмайди.

Софосбувирни хужайра ичи метаболик фаолланиши йўли асосан паст бўлиб ва нуклеотид йўлларининг гидролазаси ва фосфорланиши қобилиятига эга, бунда мувофиқ дори воситалари билан умуман реакцияга киришмайди.

Махсус кўрсатмалар

Умумий маълумотлар.

Софосбувирни монотерапия сифатида қўллаш учун тавсия этилмайди ва уни С гепатити вирусини даволаш учун бошқа дори препаратлари билан мажмуада буюриш лозим. Агар Софосбувир билан мажмуада қўлланаётган бошқа дори воситалари ноаниқ вақтга тўхтатиб турилса, Софосбувирни ҳам қўллашни тўхтатиш лозим. 1,4, 5 ва 6 генотипдаги С гепатити вируси бўлган пациентни даволаш тажрибаси.

Софосбувир 1,4,5 ва 6 генотипдаги С гепатити вируси бўлган пациентларни 3 фаза тадқиқотларда аниқланмаган. Шунинг учун ушбу гуруҳда оптимал даволаш давомийлиги аниқланмаган. Ушбу пациентларда софосбувир, пегинтерферон альфа ва рибавирин билан даволаш давомийлигини 12 ҳафтадан 24 ҳафтагача потенциал кенгайтириб даволаш хақидаги саволни қайта кўриб чиқиш лозим; асосан интерферон билан даволашга паст тез-тезликдаги жавобга аввал боғлиқ бўлган бир ёки кўп омилларга (жигарнинг яққол фиброз/циррози, юқори натижали вирусли концентрациялар, негроид ирқига мансуб бўлган шахслар, СС генотипсиз IL 28В) эга бўлган гуруҳлар учун муҳимдир.

5 ва 6 генотипдаги С гепатити вируси бўлган пациентларни даволаш

5 ва 6 генотипдаги С гепатити вируси бўлган пациентларда Софосбувирни қўллашни тасдиқловчи клиник маълумотлар жуда чекланган.

1,4.5 ва 5 генотипдаги С гепатити вируси учун Интерферонсиз даволаш

1,4.5 ва 5 генотипдаги С гепатити вируси бўлган пациентлар учун Софосбувир билан интерферонсиз даволаш схемаси 3 фаза тадқиқотларда ўрганилган. Даволашни оптимал схемаси ва давомийлиги аниқланмаган. Ушбу даволаш схемаси интерферон билан даволанишга тўғри келмайдиган ва ўзлаштираолмайдиган ва даволанишга мухтож бўлган пациентлар учун қўлланилиши лозим.

С гепатити вирусига қарши бевосита таъсир кўрсатувчи вирусларга қарши бошқа препаратларни бирга қўллаш.

Мавжуд бўлган маълумотларга асосланиб агар фойда хавфдан юқори бўлса Софосбувирни вирусларга қарши бевосита таъсирга эга бошқа препаратлар билан бирга қўллаш мумкин. Софосбувир ва телапревир ёки боцепревирни бирга қўллашни тасдиқловчи маълумотлар йўқ. Ушбу мажмуани бирга қўллаш тавсия этилмайди.

Ҳомиладорлик ва рибавирин билан бирга қўлланилиши

Софосбувир рибавирин ёки пегинтерферон альфа/рибавирин билан мажмуада қўлланилса, туғруқ ёшидаги аёллар ёки уларнинг эркак-ҳамроҳлари даволаниш вақтида ва даволангандан кейин маълйм вақт давомида контрацепциянинг самарали турларидан фойдаланишлари лозим.

Кучли таъсир этувчи Р-гликопротеинлар (P-gp) индукторларини қўлланилиши

Ичакда кучли таъсир этувчи Р-гликопротеинлар (P-gp) индукторлари ҳисобланган дори препаратлари (масалан рифампицин, далачой [тешик далачой], карбамазепин ва фенитоин) қон плазмасида Софосбувирни концентрациясини аҳамиятли пасайтириши мумкин, бу Софосбувирнинг терапевтик самарасини камайишига олиб келади. Ушбу дори воситаларини софосбувир билан бирга қўллаш мумкин эмас.

Буйрак етишмовчилиги

Оғир буйрак етишмовчилиги (КФТ<30 мл/мин/1,73м²) ёки гемодиализни талаб этувчи СБЕ бўлган пациентларда Софосбувирни хавфсизлиги баҳоланмаган. Бундан ташқари, мувофиқ доза ҳам аниқланмаган. Софосбувир рибавирин ёки пегинтерферон альфа/рибавирин билан мажмуада қўланилиши ҳолатида рибавирин дори препаратининг креатинин клиренси (КК) минутига <50 мл бўлганда қисқа характеристикасига қаранг.

HCV (гепатит С вируси) / HBV (В гепатити вируси) нинг аралаш инфекцияси

HCV/HBV инфекцияси бўлган пациентларда Софосбувирни қўллаш хақидаги маълумотлар йўқ.

Болалар

Софосбувирни болаларда ва 18 ёшгача бўлган ўсмирларда қўллаш тавсия этилмайди, чунки ушбу гуруҳларда хавфсизлиги ва самарадорлиги аниқланмаган.

Эмизикли аёллар: Софосбувир ва унинг метаболитларини кўкрак сути билан ажралиши ҳақида маълумотлар йўқ. Эмизикли болаларда учун нохуш реакциялар кузатилиши мумкинлиги туфайли, эмизишни тўхтатиш ёки она учун даволашни муҳимлигини эътиборга олиб, рибаверин сақловчи препаратлар билан даволашни тўхтатиш хақидаги масалани ҳал қилиш лозим.

Препарат болалар ололмайдиган жойда сақлансин ва яроқлилик муддати ўтгач қўлланилмасин.

Дозани ошириб юборилиши

Софосбувирни энг юқори бўлган дозаси, Софосбувирни ягона чўққи терапевтик дозаси 1200 мг бўлган, бунда 59 та соғлом пациентларга юборилган. Ушбу тадқиқотда ушбу доза миқдорига ҳеч қандай ножўя самаралар кузатилмаган ва ножўя реакциялар плацебо гуруҳига ва 400 мг Софосбувир билан даволанган гуруҳига тез-тезлиги ва оғирлиги бўйича ўхшаш бўлган.

Софосбувир билан дозани ошириб юборилишида махсус антидот йўқ. Агар дозани ошириб юборилиши юзага келса, пациент токсиклик белгилари юзасидан кузатилиши лозим. Софосбувир билан дозани ошириб юборилишидаги даволаш умумий ёрдамчи чоралардан ташкил топган, шу жумладан ҳаёт учун муҳим бўлган белгилар мониторинги, шунингдек пациентни клиник ҳолатини кузатиш лозим. Гемодиализ мавжуд бўлган ва айланиб юрган GS-331007 метаболитини самарали чиқариши мумкин (чиқариш коэффиценти 53%). Гемодиализнинг 4 соатли муолажаси юборилган дозанинг 18% ни чиқаради.

Чиқарилиш шакли

28 таблетка юқори зичликдаги полиэтилен флаконларда.

1 флакон қўллаш бўйича йўриқномаси билан картон қутига жойланган.

Сақлаш шароити

Иссиқликдан, ёруғликдан ва намликдан ҳимояланган, 30ºС дан паст ҳароратда сақлансин.

Яроқлилик муддати

2 йил.

Дорихоналардан бериш тартиби

Рецепт бўйича.