📜 Инструкция по применению Сонмил
💊 Состав препарата Сонмил
✅ Применение препарата Сонмил
📅 Условия хранения Сонмил
⏳ Срок годности Сонмил

ҚЎЛЛАШ БЎЙИЧА ЙЎРИҚНОМА

СОНМИЛ

SONMIL

 

Препаратнинг савдо номи: Сонмил

Таъсир этувчи модда (ХПН): доксиламин сукцинати

Дори шакли: плёнка қобиқ билан қопланган таблеткалар

Таркиби:

1 таблетка қуйидагиларни сақлайди:

фаол модда: 15 мг доксиламин сукцинати;

ёрдамчи моддалар: лактоза моногидрати; магний стеарати; натрий кроскармелоза; микрокристалли целлюлоза.

қобиғи: Opadry II White плёнка қобиқ учун аралашма: гипромелоза (гидроксипропилметилцеллюлоза, лактоза моногидрати, полиэтиленгликоль (макрогол), титан диоксиди (Е 171); триацетин.

Таърифи: думалоқ шаклдаги, икки томонлама қавариқ, рискали, оқ ёки деярли оқ рангли плёнка қобиқ билан қопланган таблетка.

Фармакотерапевтик гуруҳи: Тизимли қўллаш учун антигистамин воситалар.

АТХ Коди: R06A A09. Ухлатувчи ва седатив воситалар N05C M.

Фармакологик хусусиятлари

Фармакодинамикаси.

Доксиламин сукцинати этаноламинлар синфи бўлган  Н1-гистамин блокаторлари ҳисобланади, у  седатив ва  атропинсимон самара кўрсатиш қобилиятига эга. Ухлаш учун зарур бўлган вақтни камайтириши аниқланган, ҳамда уйқунинг давомийлиги ва сифатини яхшилайди.

Фармакокинетикаси.

Қон плазмасида максимал концентрацияга (Сmax) доксиламин сукцинатини қабул қилгандан кейин ўртача 2 соатдан сўнг (Тmax) эришилади.

Қон плазмасидан ярим чиқарилиш даври (Т½) ўртача 10 соатни ташкил қилади.

Доксиламин сукцинати  деметилланиш ва N-ацетилланиш йўли билан жигарда қисман метаболизмга учрайди.

Кекса ёшли шахсларда ва буйрак ёки жигар етишмовчилиги бўлган пациентларда ярим чиқарилиш даври аҳамиятли ошиши мумкин.

Молекуланинг парчаланишида ҳосил бўладиган турли метаболитлар миқдорий аҳамиятли ҳисобланмайди, чунки қабул қилинган дозанинг 60% сийдикда ўзгармаган доксиламин ҳолида аниқланади.

Қўлланилиши

Даврий ва транзитор  уйқусизликда қўлланади.

 

Қўллаш усули ва дозалари

Перорал қўллаш учун мўлжалланган. Уйқудан  15-30 минут олдин қўлланилсин.

Тавсия этилган доза суткада 7,5-15 мг (суткада 1/2-1 таблеткадан) ни ташкил қилади.  Зарурати бўлганида дозани суткада 30 мг гача ошириш мумкин (суткада 2 таблетка). Кекса ёшли пациентларда ва буйрак ёки жигар етишмовчилиги бўлган пациентларда дозани камайтириш тавсия этилади.  Даволаш курси давомийлиги  2-5 кунни ташкил қилади.

Агар уйқусизлик 5 кундан ортиқ сақланса, дори воситасини кейинги қўллашнинг мақсадга мувофиқлигини хал қилиш учун шифокор билан маслаҳатлашиш лозим.

Ножўя таъсирлари

Жуда кам ҳолларда антихолинергик самаралар: қабзият, оғизни қуриши, аккомодацияни бузилиши, юракни кучли уриши кузатилади.

Кундузги уйқучанликда: ушбу самара ривожланиши ҳолатида дозани камайтириш зарур.

Тери тошмаси, қичишиш каби аллергик реакциялар ривожланиши мумкин.

 

Қўллаш мумкин бўлмаган ҳолатлар

Доксиламин  сукцинатига ёки бошқа антигистамин дори воситаларига юқори сезувчанлик.

Пациентнинг анамнезида ёки оила анамнезида ёпиқ бурчакли глаукома.

Сийишни  қийинлашиши хавфи билан уретропростатик бузилишларда қўллаш мумкин эмас.

Дориларнинг ўзаро таъсири

Алкоголь кўпгина Н1-антигистамин воситаларнинг седатив самарасини кучайтиради. Алкоголли ичимликларни ва этанол сақловчи дори воситаларини қўллашдан сақланиш лозим.

Қуйидаги дорили мажмуани қўллашда эътибор билан қўллаш лозим:

– атропин ва атропинсимон дори воситалари (имипрамин антидепрессантлари, антихолинергик паркинсонизмга қарши дори воситалари, атропинли спазмолитик дори воситалари, дизопирамид, фенотиазин нейролептиклари) сийдикни тутилиши, қабзият, оғизни қуриши каби ножўя самараларнинг келиб чиқиши натижасида;

– марказий нерв тизимига таъсир қилувчи бошқа антидепрессантлар (морфин ҳосилалари (оғриқни қолдирувчи воситалар; йўтални даволаш учун ва ўрнини босувчи даволашда қўлланиладиган воситалар), нейролептиклар; барбитуратлар, бензодиазепинлар; анксиолитиклар, бензодиазепинлардан ташқари; седатив антидепрессантлар (амитриптилин, доксепин, миансерин, миртазапин, тримипрамин); седатив Н1-антигистамин воситалар; марказий таъсирга эга антигипертензив воситалар; бошқалар: баклофен, пизотифен, талидомид) марказий нерв тизимини сусайишини кучайтириши натижасида.

Махсус кўрсатмалар

Қўллашдаги эҳтиёткорлик чоралари

Дори воситаси  лактоза сақлаганлиги сабабли, уни туғма  галактоземияда,  глюкоза ва  галактозани сўрилиши бузилиши синдромида, лактаза етишмовчилиги бўлган ҳолатларда қўллаш мумкин эмас.

Ухлатувчи ва седатив воситалар каби,  доксиламин сукцинати тунги апноэ синдромини қўзғатиши мумкин  (нафасни тўхтаб қолишининг давомийлиги ва сонини ошириши мумкин).

Н1-антигистамин воситаларни кекса ёшли пациентларга эҳтиёткорлик билан қўллаш лозим, чунки бош айланишини келиб чиқиши хавфи туфайли, йиқилишлар хавфи ошади (масалан, инсон кечаси ўрнидан турганида), бунинг натижасида ушбу гуруҳ пациентлар учун жиддий ҳисобланган оқибатларга олиб келади.

Кун давомида уйқучанликни олдини олиш учун дори воситасини  қабул қилинганидан кейин уйқу давомийлиги камида 7 соат бўлиши кераклигини ёдда тутиш лозим.

Ҳомиладорлик ёки  эмизиш даврида қўлланилиши.

Маълум бўлган маълумотлар  доксиламинни ҳомиладорлик даврида шифокор маслаҳатидан сўнг  қўллаш мумкинлигини кўрсатди. Агар дори воситасини ҳомиладорликнинг сўнгги уч ойлигида қўлланилса, дори воситасининг атропинсимон ва седатив самараларини янги туғилган чақалоқларни кузатишда эътиборга олиш лозим.

Доксиламин она сутига кириши номаълум, шунинг учун дори воситасини эмизиш даврида қабул қилиш тавсия этилмайди. .

Болалар. 15 ёшгача бўлган болаларда препаратни қўллаш мумкин эмас.

Автотранспортни бошқариш ёки бошқа механизмлар билан ишлашда реакция тезлигига таъсир қилиш қобилияти.

Ушбу  дори воситасини қўлланганда ривожланадиган кундузги уйқучанликни келиб чиқишини хавфини, айниқса автотранспортни бошқариш ёки бошқа механизмлар билан ишловчи шахсларда эътиборга олиш лозим.

Препарат болалар ололмайдиган жойда сақлансин ва яроқлилик муддати ўтгач қўлланмасин.

Дозани ошириб юборилиши

Симптомлари: ўткир заҳарланишнинг биринчи белгилари уйқучанлик ва антихолинергик самаралар: қўзғалувчанлик, қорачиқларни кенгийиши, аккомодациянинг фалажи, оғизни қуриши, юз ва бўйинни қизариши, гипертермия, синусли тахикардия ҳисобланади. Делирий, галлюцинациялар ва атетоз харакатлар кўпроқ болаларда кузатилади; баъзида улар оғир заҳарланишнинг асоратларини белгиси бўлган тиришишлар ҳисобланади.   Ҳаттоки тиришишлар келиб чиқмаса ҳам, доксиламин билан оғир заҳарланиш баъзи ҳолларда рабдомиолиз чақиради, бу оғир буйрак етишмовчилигигача асоратланиши мумкин. Ушбу мушак бузилишлари тарқоқ ҳисобланади,  бу креатинфосфокиназа фаоллигини тизимли скрининг йўли билан ўлчаш ўтказишни талаб этади.

Даволаш: симптоматик даволаш ўтказилади. Даволашни эрта босқичларида  фаоллаштирилган кўмирни қабул қилиш тавсия этилади (катталарга 50 г, болаларга

1 г/кг).

 

Чиқарилиш шакли

10 таблеткадан блистерда; 1 ёки 3 блистердан қутида.

 

Сақлаш шароити

Оригинал ўрамида, 25оС дан юқори бўлмаган ҳароратда сақлансин.

 

Яроқлилик муддати

5 йил.

Дорихоналардан бериш тартиби

Рецептсиз.

ИМЕЮТСЯ ПРОТИВОКАЗАНИЯ. НЕОБХОДИМО ОЗНАКОМИТЬСЯ С ИНСТРУКЦИЕЙ
ПО ПРИМЕНЕНИЮ ИЛИ ПОЛУЧИТЬ КОНСУЛЬТАЦИЮ СПЕЦИАЛИСТА

Лекарственные средства, информация о которых представлена на сайте, могут иметь противопоказания к их применению и использованию. Перед использованием необходимо ознакомиться с инструкцией по применению или получить консультацию у специалистов.