🔖 Oktabr oyida Davlat test markazi tomonidan “Chet tilini bilish va egallash darajasini aniqlash test sinovlari” bo‘yicha talabgorlarning fikrlarini o‘rganish maqsadida so‘rovnoma o‘tkazilgan edi.
🙋🏻‍♂️ So‘rovnoma natijalariga ko‘ra, aksariyat talabgorlar chet tilini bilish va egallash darajasini aniqlash test sinovlarini o‘z yashash hududida topshirish istagini bildirdi.
✅ Shu sababli, Davlat test markazi talabgorlar va ularning ota-onalariga qulaylik yaratish maqsadida 2021-yil yanvar oyida bo‘lib o‘tadigan test sinovlarini viloyatlarda va Qoraqalpog‘iston Respublikasida ham o‘tkazishni rejalashtirmoqda.
📍 Bunda talabgorlar ro‘yxatdan o‘tish mobaynida test topshirish hududini o‘zlari tanlashlari mumkin.
👨🏻‍💻 Ro‘yxatga olish Davlat test markazining rasmiy veb-sayti orqali (https://dtm.uz/page/cefr) amalga oshirilmoqda.
📆 Yanvar oyi uchun onlayn ro‘yxatdan o‘tgan va test sinovi uchun to‘lovni amalga oshirgan nomzodlardan hujjatlar 2021-yil 4-8-yanvar kunlari Davlat test markazi va uning hududlardagi bo‘limlari orqali qabul qilinadi.
⏳ Test sinovlari esa talabgorlarning sonidan kelib chiqqan holda 2021-yil 21-30-yanvar oralig‘ida o‘tkaziladi.