Taʼlimsiz, ilmsiz taraqqiyot yoʻq, rivojlanish yoʻq
Xalqni – xalq, millatni – millat sifatida shakllantira oladigan asosiy kuch bu – taʼlim va sohadagi islohotlar ekanligi hammamizga yaxshi maʼlum. Bugungi kunda yurtimizda taʼlim tizimini isloh qilishga qaratilgan siyosatning asosiy maqsadlaridan biri ham yoshlarning oʻz salohiyatini namoyon qilishi uchun zarur sharoitlar yaratib berishdir.
Kuni kecha Prezidentimiz tomonidan imzolangan “Oʻzbekistonning yangi taraqqiyot davrida taʼlim-tarbiya va ilm-fan sohalarini rivojlantirish chora-tadbirlari toʻgʻrisida”gi farmon yurtimizda taʼlim-tarbiya va ilm-fan taraqqiyotiga xizmat qiladigan muhim hujjat boʻldi.
Farmonda taʼlim sifatini oshirish, ilm-fanni rivojlantirish, bitiruvchilarning bandligini taʼminlash, pedagog xodimlar va olimlarning faoliyat yuritishi uchun shart-sharoitlar yaratish, taʼlim muassasalarining moddiy-texnika bazasini mustahkamlash boʻyicha bir qator istiqbolli vazifalar belgilangan.
Ahamiyatli tomoni shundaki, farmonda birinchi marta taʼlim tizimiga jamiyatning har bir aʼzosi masʼul etib belgilandi. Endilikda oʻqituvchi maqomini oshirish, uning avvalgi obroʻ-eʼtiborini tiklash, taʼlim muassasalaridagi shart-sharoitlarni yaxshilash hokimliklar zimmasidagi asosiy vazifa sifatida belgilab qoʻyilgan boʻlsa, Xalq taʼlimi vazirligining maktablar mazmuniga javob berishi qatʼiy koʻrsatib oʻtildi. Shubhasiz, bundan buyon mahalliy rahbarlar ishiga paxta, gʻallaga qarab emas, balki taʼlim-tarbiya uchun yaratilgan shart-sharoitga, ilmli-maʼnaviyatli yoshlarga qarab baho beriladi.
Yana bir muhim jihat. Farmonda professional taʼlim xizmatlarini koʻrsatish boʻyicha xususiy sektorning salmogʻini kengaytirish maqsadida davlat-xususiy sheriklik asosida professional taʼlim muassasalari filiallarini tashkil etish borasida istiqbolli vazifalar aks etgan. Sohaga davlat-xususiy sherikchilikning samarali mexanizmlarini joriy etish, bu borada ilgʻor xorijiy tajribalarni oʻrganish boʻyicha ham bir qator yangiliklar nazarda tutilgan.
Binobarin, nodavlat oliy taʼlim muassasalarining tashkil etilishi respublikamizda yangi ish oʻrinlar yaratilishi, nodavlat va davlat taʼlim sektori oʻrtasida sogʻlom raqobat muhitini paydo boʻlishi, yoshlarni oʻzi xohlagan yoʻnalishlar boʻyicha taʼlim olishi, taʼlim va sanoatni chambarchas bogʻlanishida muhim omil boʻlib xizmat qiladi.
OʻzLiDeP saylovoldi dasturida ham taʼlim tizimidagi raqobat muhitining shakllanishi, xususiy sektor resurslaridan foydalanish, davlat-xususiy sherikchiligini rivojlantirish boʻyicha qator vazifalar oʻrin olgan. Unga koʻra, har bir tumanda kamida toʻrttadan xususiy maktablar barpo qilinishiga erishish, sohada davlat-xususiy sherikchiligi va xususiy xizmatlarni jadal rivojlantirish hisobidan bolalar uchun imkoniyatlar yaratishga erishish koʻzda tutilgan.
Bugun ilm-fanni iqtisodiyotning asosiy harakatlantiruvchi kuchiga aylantirish davrida yashayapmiz. Zamon sogʻlom raqobatni talab etmoqda. Shundan kelib chiqib, oliy taʼlim sohasida ham sogʻlom raqobat muhitini shakllantirish, endilikda yoshlarni oliy taʼlim bilan qamrab olish darajasini oshirish maqsadida har bir hududda davlat-xususiy sheriklik asosida kamida bittadan oliy taʼlim tashkilotini tashkil etish belgilandi.
Bugungi yangi Oʻzbekiston – inson davlat uchun emas, davlat inson uchun, tamoyili amal qilinayotgan mamlakatdir. Shunday ekan, islohotlarning tag- zamirida inson manfaatlari, aniqrogʻi yoshlar kelajagi turadi. Zotan, ular jamiyat uchun “yangi qon” vazifasini oʻtaydi.
Gulshana XUDOYOROVA,
Oliy Majlis Qonunchilik palatasi deputati,
OʻzLiDeP fraksiyasi aʼzosi
Источник: XS.uz.

Joylangan vaqt: 2022-08-27 21:50:27
Yoshlar yetakchisi bilishi kerak bo’lgan qoidalar Yoshlar yetakchisi bilishi kerak bo’lgan qoidalar
Yangi yil kuni qor yog‘adimi? – sinoptiklar prognozi Yangi yil kuni qor yog‘adimi? – sinoptiklar prognozi
1 sentabrdan maktab kutubxonachilari oylik maoshi oshiriladi 1 sentabrdan maktab kutubxonachilari oylik maoshi oshiriladi
Menda nogironlik imtiyozi bor edi, ammo nega bu hisoblanmagan? Menda nogironlik imtiyozi bor edi, ammo nega bu hisoblanmagan?
Sizga qaysi rang yoqadi? - Xarakteringizni bilib oling Sizga qaysi rang yoqadi? - Xarakteringizni bilib oling
Bugungi kunda eng kam ish haqqi qancha? 2022-yil Bugungi kunda eng kam ish haqqi qancha? 2022-yil
1-fevral Onlayn darslar jadvali 1-11-sinf 2022-yil 1-fevral Onlayn darslar jadvali 1-11-sinf 2022-yil
Ramazon taqvimi-2021. Og’iz yopish va og’iz ochish duolari bilan Ramazon taqvimi-2021. Og’iz yopish va og’iz ochish duolari bilan
Hech narsani bilmasligini bilgan buyuk donishmand Hech narsani bilmasligini bilgan buyuk donishmand
Bolaga mayda xarajatlar uchun pul berish: 5 muhim qoida: Bolaga mayda xarajatlar uchun pul berish: 5 muhim qoida:
Psixologlar uchun o’quvchilardan olinadigan so’rovnomalar to’plami Psixologlar uchun o’quvchilardan olinadigan so’rovnomalar to’plami
2022 dtm test natijalari, imtihon natijasi bilish tartibi 2022 dtm test natijalari, imtihon natijasi bilish tartibi
Nima qilsak ta’lim-tarbiya sohasida keskin o‘zgarishlar bo‘ladi? Nima qilsak ta’lim-tarbiya sohasida keskin o‘zgarishlar bo‘ladi?
Emlangandan so`ng koronavirusga chalinish holatlari uchrayotgani rostmi? Emlangandan so`ng koronavirusga chalinish holatlari uchrayotgani rostmi?
Xorijiy tillar metodbirlashma hujjatlari yuklab olish Xorijiy tillar metodbirlashma hujjatlari yuklab olish
XTV boshqarmasidan muammoli savollarga javoblar XTV boshqarmasidan muammoli savollarga javoblar
Ko‘zi ojizlarning ko‘rishiga yordam beradigan ko‘z to‘rpardasi impanti yaratildi Ko‘zi ojizlarning ko‘rishiga yordam beradigan ko‘z to‘rpardasi impanti yaratildi
Jismoniy tarbiya fanidan electron darsliklar, jismoniy tarbiya kitoblari 1-11-sinf Jismoniy tarbiya fanidan electron darsliklar, jismoniy tarbiya kitoblari 1-11-sinf
Onlayn maktab loyihasi ishtirokchilari munosib taqdirlandi Onlayn maktab loyihasi ishtirokchilari munosib taqdirlandi
Halima Xudoyberdiyeva haqida: hayoti, asarlari, faoliyati Halima Xudoyberdiyeva haqida: hayoti, asarlari, faoliyati