Koronavirus Info xabarlari 222 sahifa

❗️Карантин қўл қовуштириб ўтириш учун сабаб эмас — Ўзбекистонда "онлайн туризм" ва "масофавий спорт" ривожлантирилади

Ўзбекистон Республикаси Бош вазир ўринбосари, Туризмни ривожлантириш давлат қўмитаси раиси Азиз Абдуҳакимов билан суҳбатда шу ҳақда маълум қилинди.

Қуйида ушбу мазмунли суҳбатдан муҳим иқтибослар келтирилади:

▪️Бугунги кунда "онлайн туризм"ни ривожлантириш, тадбиркорлар ва стартаперларни қўллаб-қувватлашга оид ишлар амалга оширилмоқда. Жисмоний тарбия ва спорт вазирлигида аллақачон "масофавий спорт"ни фаол ривожлантириш ишлари бошлаб юборилган.

▪️Айни дамда Қўмита ва унинг ҳузуридаги Миллий PR маркази Ўзбекистонда туризм бўйича виртуал саёҳатларни амалга ошириш имконини берувчи online-tourism.uz сайтини йўлга қўйиш устида ишламоқда. Бу Ўзбекистон бўйлаб виртуал саёҳат қилиш имконини тақдим этувчи биринчи платформа бўлади.

▪️Ўзбекистон Хусусий сайёҳлик ташкилотлари уюшмаси (ХСТУ), Ошпазлар уюшмаси, Гастрономик ассоциация билан ҳамкорликда ходимлар ва мутахассислар малакасини оширишга доир бепул онлайн курслар ва вебинарлар ташкил қилинмоқда.

▪️Пандемия даври тугаганидан сўнг “Ўз диёрингни ўзинг кашф эт” лойиҳаси доирасида маҳаллий аҳолини аудио, фото ва видео материал тўплаш жараёнига жалб этиб, шу асосда “Туризм қишлоғи”, “Туризм маҳалласи”, “Туризм овули” мақомига эга аҳоли пунктлари реестрини кенгайтириш кўзланяпти.

〰️〰️〰️

📍Суҳбатнинг тўлиқ матни билан қуйидаги ҳавола орқали танишишингиз мумкин:

👉 https://uzbektourism.uz/cyrl/newnews/view?id=1114

❗️2020 йил 10 апрель ҳолатига кўра, Ўзбекистонда коронавирус инфекцияси қайд этилганлар сони 669 нафарни ташкил қилмоқда.

〰️〰️〰️〰️〰️

❗️По состоянию на 10 апреля 2020 года в Узбекистане число случаев заражения коронавирусной инфекцией составляет 669.

Манба: @ssvuz

😷 Ўзбекистондаги #эпидемиологик_вазият'га оид сўнгги янгиликлар

🔹10 апрель куни коронавирусга чалинган 59 нафар янги бемор аниқланиб, жами ҳолатлар 641тага етди. Наманганда даволанган 4 киши соғайди, жами тузалганлар - 42 нафар.

🔹Ўзбекистонда 40та ташкилотда ва 19та оилада коронавирус аниқланган. Мамлакатдаги вазиятни эпидемия деб бўлмайди.

🔹Беморларни даволашда соғайган беморларнинг қон зардобидан фойдаланиш йўлга қўйилади.

🔹«Хавф ҳали ўтиб кетгани йўқ. Ҳали олдинда жуда катта синовлар кутмоқда», деди Шавкат Мирзиёев. Президент ҳудудларда озиқ-овқат захирасини кенгайтиришга кўрсатма берди.

🔹Россиядан 500та сунъий нафас бериш аппарати, Хитойдан 200 мингта ва Германиядан 50 мингта тест сотиб олинди. Коронавирус юқтириши эҳтимоли юқори бўлган касб эгаларидан тест олина бошланиши мумкин.

Президент Шавкат Мирзиёев 10 апрель куни пахтачилик ва ғаллачиликда кластер тизими самарадорлигини ва ҳосилдорликни оширишда энг долзарб вазифалар муҳокамасига бағишланган видеоселектор йиғилиши аввалида коронавирус пандемиясига қарши курашиш борасидаги ишларга алоҳида тўхталиб ўтди.

Авваламбор, дунёнинг кўплаб давлатларида коронавируснинг тез тарқалиши билан боғлиқ бугунги вазият биз Ўзбекистонда карантин ва аҳолини бесабаб кўчага чиқмаслик режимини ўз вақтида жорий этганимизни исботлаганини таъкидламоқчиман.

Буни тўғри тушуниб ва маъқуллаб, сабр-тоқат билан уйида ва карантин масканларида ўтирган барча фуқароларимизга, шунингдек ўз бурчини мардлик ва матонат билан бажараётган шифокорларимизга чуқур миннатдорчилигимни билдираман.

❗️2020 йил 10 апрель соат 22:00 ҳолатига кўра, Ўзбекистонда коронавирус инфекцияси қайд этилганлар сони 641 нафарни ташкил қилмоқда.

〰️〰️〰️〰️〰️

❗️По состоянию на 22:00 10 апреля 2020 года в Узбекистане число случаев заражения коронавирусной инфекцией составляет 641 человек.

Манба: @ssvuz

Германиядан 50 минг дона тест олиб келинмоқда

Шавкат Мирзиёев 10 апрель куни видеоселектор йиғилиши аввалида коронавирус пандемиясига қарши курашиш борасидаги ишларга алоҳида тўхталиб ўтди:

Очиғини айтиш керак, агар халқимизнинг менталитети ва турмуш тарзини, шу жумладан, иш-ўқиш, тўй-маърака, маҳалла, бозор, қариндошлар, қўшнилар, дўстлар, айниқса беморлардан тез-тез хабар олиш каби жуда кенг ижтимоий муносабатларимизни ҳисобга олсак, карантин ва чеклаш тадбирларини вақтида киритмаганимизда, беморлар ва йўқотишлар бундан анча кўп бўлиши аниқ эди.

Инфекция тарқалишини деярли бир ой давомида секинлаштириб, бу вақтдан даволаш ўринларини кўпайтириш, чет давлатларнинг даволаш тажрибасини ўрганиш ва жорий қилишда унумли фойдаландик.

Россиядан 500 та сунъий нафас бериш аппаратини харид қилдик. Уларнинг биринчи қисми яқин кунларда олиб келинади. Хитойдан касалликни аниқловчи 200 минг дона ва Германиядан 50 минг дона тест олиб келинмоқда.

Ҳурматли фуқаролар!

Республика махсус комиссиясининг 2020 йил 8 апрелдаги қарори билан 2020 йил 9 апрелдан бошлаб автотранспорт воситалари ҳаракатланишига давлат хизматлари марказлари томонидан махсус рухсатнома бериш тўхтатилган эди.

Ушбу қарор асосида транспорт воситаларини ҳаракатланиши бўйича берилган махсус рухсатномаларни ўз кучини сақлаб қолиши масаласида айрим тушунмовчиликлар бўлмоқда.

❗️Шунга кўра, Махсус комиссиянинг юқоридаги қарорига асосан автотранспорт воситаларига 2020 йил 9 апрель кунига қадар тақдим этилган рухсатномалар асосида ҳаракатланиш ҳуқуқи сақлаб қолинганлигини эслатиб ўтамиз.

Таъкидлаш жоизки, ҳозирга пайтда айрим шахслар томонидан берилган махсус рухсатномаларни бошқа шахсларга фойдаланиш учун бериш ёки улардан мақсадсиз фойдаланиш орқали карантин тадбирларини бузиш ҳолатлари учрамоқда.

Шу мақсадда, фуқаролардан махсус рухсатномалардан мақсадли фойдаланиш орқали эълон қилинган карантин тадбирларига қатъий риоя этишларини сўраймиз.

Ўзбекистон Республикаси Адлия вазирлиги

Обращение хокима города Ташкента к арендодателям

Сегодняшние дни – испытание для всех нас. И именно сейчас мы должны поддержать друг друга как никогда, протянув руку помощи тем, кто в ней нуждается.

Сила - в единстве, и только объединившись, мы сможем победить болезнь, поразившую весь мир.

В нашем городе есть граждане, арендующие жильё. Среди них есть, те, кто приехал издалека. Сейчас они, соблюдая требования карантина, проживают вдалеке от своей семьи в съёмном жилье. Многие из них временно не работает по причине карантина. И конечно, в таких условиях им приходится нелегко. С одной стороны на них лежит бремя оплаты за аренду жилья, с другой - ответственность за свою семью – обеспечение их всем необходимым.

В связи с этим, я бы хотел обратиться к арендодателям и попросить их набраться терпения в эти сложные дни, понять положение квартиросъёмщиков и временно не требовать с них оплату за аренду жилья. По моему мнению будет справедливо, если временно неоплаченная сумма за аренду жилья будет выплачена квартиросъёмщиками позже. В тяжёлые дни очень важно взаимное понимание и доверие.

И помните, эти непростые дни пройдут и забудутся, а добро, совершенное в эти дни навсегда останется в памяти!

Хоким города Ташкента
Артикходжаев Ж.А.

Тошкент шаҳар ҳокимининг ижара берувчиларга мурожаати

Бугунги кун барчамиз учун синов. Ана шундай синовли кунларда барчамиз бир-биримизни ҳар қачонгиданда кўпроқ қўллаб-қувватлаб, ёрдамимизга муҳтож кишиларга қўл чўзишимиз, оғирини енгил қилиб, кўмак беришимиз керак.

Куч бирликда! Бугун бир бўлиб, жипслашиб, дунё гарданига тушган дардни енгишимиз шарт.

Шаҳримизда ижарада яшаётган фуқароларимиз бор. Улар орасида олис манзилдан келиб яшаётганлар ҳам бор. Улар бугун карантин қоидаларига риоя қилган ҳолда, ўз оилалари бағридан узоқда, ижара уйларда яшашмоқда. Улар орасида карантин сабабли, вақтинча ишламаётганлари ҳам бор. Бундай шароитда албатта, уларга осон тутиб бўлмайди. Бир томондан ижара пулини тўлаш, бир томондан оилаларини эҳтиёт қилиш, рўзғор тебратиш масъулияти елкаларида турибди.

Шу боис, мен ижара берувчиларга шундай синовли кунларда сабрли бўлиб, уларнинг ҳолатини тўғри баҳолашларини, ижара пулини вақтинча талаб қилмай туришларини сўраган бўлардим. Вақтинчалик тўланмаган ижара ҳаққи эса кейинчалик тўлаб бериш шарти билан ижарада турувчи фуқароларга тақдим этилса, фикримча, адолатли бўлади. Синовли кунларда ўзаро ишонч, ҳамжиҳатлик ҳам жуда муҳим.

Шуни билингки, бу кунлар унутилади, аммо яхшилик унутилмайди!

Тошкент шаҳар ҳокими
Артикходжаев Ж. А

Иқтисодчи Беҳзод Ҳошимов карантиннинг иқтисодиётга таъсири ҳақида қизиқарли фикрларни билдирмоқда.

#Тавсия





https://youtu.be/tVRUdTrPQsg

Президент Шавкат Мирзиёев 10 апрель кунги видеоселектор йиғилиши аввалида коронавирус пандемиясига қарши курашиш борасидаги ишларга алоҳида тўхталиб ўтди.
– Карантин ва чеклаш тадбирларини вақтида киритмаганимизда, беморлар ва йўқотишлар бундан анча кўп бўлиши аниқ эди. Хавф ҳали ўтиб кетгани йўқ. Ҳали олдинда жуда катта синовлар кутмоқда. Темир интизом ва юксак масъулият билан кечаю кундуз иш давом этиши керак, – деди, жумладан, давлатимиз раҳбари.
—
Президент Шавкат Мирзиёев 10 апреля в начале видеоселекторного совещания особо остановился на принимаемых мерах по противодействию пандемии коронавируса.
- Если бы не были вовремя введены карантин и ограничительные мероприятия, заболевших и человеческих потерь было бы намного больше. Впереди нас ожидают большие испытания. Работа должна продолжаться круглосуточно, с железной дисциплиной и чувством ответственности, - отметил в частности глава государства.

#Mirziyoyev #videoselektor #pandemiya #xalqarohamkorlik

Prezident.uz|Facebook|Instagram|YouTube|Twitter

RU: В стране начнут применять новый способ лечения — переливания плазмы крови людей, выздоровевших от коронавируса, пациентам с тяжёлой формой заболевания.

❗️Научная основа:

У больных с инфекцией COVID-19 появляются иммунные клетки против вируса в плазме крови, что приводит к гибели вируса.

❓Не случится ли заражения другими болезнями от переливаемой плазмы? Не появятся ли разные осложнения при введении сыворотки больному?

❗️Прежде чем переливать плазму крови людям, страдающим коронавирусной инфекцией, ее проверяют на наличие нескольких инфекций, проводят медицинское обследование. Небольшая часть плазмы берется у людей, у которых нет никаких дополнительных инфекций и болезней.

❗️Это количество не окажет какого-либо негативного влияния для донора. Это научно доказано. Затем собранную плазму повторно обрабатывают и с согласия пациентов, у которых заболевание протекает тяжело, применяют, строго соблюдая инструкции врача, а также специальные процедуры.

❗️Самое главное, что сыворотка людей, которые выздоровели от инфекции COVID-19, является дополнительным источником борьбы за жизнь больных, которые страдают от тяжелой или длительной болезни, так можно будет быстрее и легче бороться с вирусом.

Источник: @ssvmatbuotkotibi

UZ: Юртимизда тез кунларда мутлақо янгича усул — коронавирусдан соғайган инсонларнинг қон зардобини хасталиги оғир кечаётган беморларга қуйиш амалиётини жорий этиш бошланади.

❗️Илмий асоси:

COVID-19 инфекциясига чалинган беморлар қон зардобида вирусга қарши иммун таначалар пайдо бўлиб, улар вируснинг ўлимига олиб келади.

❓Зардобдан бошқа касаллик юқмайдими? Беморларга зардоб қуйилганда турли асоратлар юзага келмайдими?

❗️Коронавирус инфекциясидан тузалган инсонлардан зардоб олишдан олдин, бир нечта инфекцияларга текширилади, тиббий кўрикдан ўтказилади. Қўшимча инфекцияси ва касаллиги бўлмаган инсонлар зардобининг кичик бир қисми олинади, холос.

❗️Бу миқдор донор учун ҳеч қандай салбий асоратларни намоён қилмайди. Бу илмий жиҳатдан исботланган. Сўнгра йиғиб олинган зардоб яна қўшимча ишлов бериш жараёнларидан ўтказилгандан сўнг, касаллик оғир кечаётган беморлар розилиги ва шифокор кўрсатмалари ҳамда махсус тартибларга қатъий риоя қилинган холда қўлланилиши мумкин.

❗️Энг муҳими, COVID-19 инфекциясидан тузалган инсонларнинг қон зардоби – касаллик оғир кечаётган ёки узоқ давом этаётган беморларимизга вирусни тезроқ ва осонроқ енгиш учун қўшимча курашиш манбаи бўлиб хизмат қилади.

Манба: @ssvmatbuotkotibi

Президент Шавкат Мирзиёев Туркий тилли давлатлар ҳамкорлик кенгашининг коронавирус инфекцияси тарқилишига қарши курашишда ҳамкорликни кучайтириш ва саъй-ҳаракатларни бирлаштириш учун видеоанжуман тарзида ўтказилган навбатдан ташқари саммитида иштирок этди.
Давлатимиз раҳбари ўз нутқида бир қатор аниқ таклифларни билдирди. Уларнинг барчаси саммитнинг якуний ҳужжати – Боку декларациясига киритилди.
—
Президент Шавкат Мирзиёев принял участие во внеочередном саммите Совета сотрудничества тюркоязычных государств в формате видеоконференции для рассмотрения вопросов усиления сотрудничества и объединения усилий в борьбе с распространением коронавирусной инфекции.
Лидером нашей страны выдвинут ряд конкретных предложений. Все эти инициативы были включены в итоговый документ состоявшегося внеочередного саммита – Бакинскую декларацию.

#Mirziyoyev #sammit #Turkiykengash #pandemiya

Prezident.uz|Facebook|Instagram|YouTube|Twitter

"Discovery Channel" ijodkorlaridan yangi hujjatli film! O'zingiz anglagan bo'lsangiz kerak, butun dunyoga xavf solgan, hozirda esa siz- u bizni karantinda o'tirishimizga sababchi Covid- 19 🦠 haqida.
⠀
Xo'sh, hammasi qanday boshlangandi? Bu borada eng oldi olimlarning fikrlari qanday? Bu savollarga javobni bugun olamiz!
⠀
🕛🕛 Bugun, 10- aprel juma kuni soat 22:05 da "Mening Yurtim" telekanalida
⠀
#koronavirus
@my5tv

UZ: Ўзбекистон Республикаси Маҳалла ва оилани қўллаб-қувватлаш вазирлиги ҳузуридаги Тошкент шаҳридаги "Хайрияларни мувофиқлаштириш маркази"да амалга оширилаётган ишлар доирасида 2020 йил 10 апрел бўйича маълумот.

👉🏻Марказда доимий тарзда Ўзбекистон ёшлар иттифоқининг 100 дан зиёд волонтерлари (кўнгилли ёшлар) ихтиёрий асосда фаолият олиб бормоқдалар.

👉🏻Аҳолини мурожаатлари билан тизимли ишлаш ва манзилли ёрдам кўрсатиш мақсадида очилган “Call-марказ” нинг 1197 қисқа рақами соат 9:00 – 17:00 оралиғида мунтазам ишламоқда.

👉🏻Бугунги кунга келиб аҳоли томонидан “Call-марказ”га жами 15 261 та мурожаат келиб тушган бўлиб, ушбу мурожаатлар электрон дастур орқали ҳар бир туман бўйича тузилган ишчи гуруҳларга юборилди.

👉🏻Бугунги кунга келиб Тошкент шаҳар бўйича манзилли рўйхат асосида аҳоли учун зарур бўлган бирламчи озиқ-овқат маҳсулотлари 30 та юк ташиш учун мўлжалланган автоуловлар орқали жами 19 993 та хонадонга умумий 2 миллиард 799 миллион 20 минг сўмлик бирламчи озиқ-овқат маҳсулотлари етказиб берилди.

Ўзбекистон Республикаси Соғлиқни сақлаш вазирлиги ҳузуридаги Санитария-эпидемиологик осойишталик агентлиги мутахассилари, Ўзбекистон ёшлар иттифоқининг кўнгилли ёшлар билан биргаликда Тошкент шаҳрида карантинга олинган 85 та шифокор, санитария-эпидемиологик осойишталик агентлиги 35 та ва Чилонзор тумани ободонлаштириш бошқармасининг 104 та ходими
хонадонига 16 турдаги озиқ-овқат махсулотлари етказилди.





Ўзбекистон ёшлар иттифоқи
Ахборот хизмати

#repost

Shahrizod Musaboev barakalla! Bizning yoshlar kuchli, bilimli va har qanday sohada jahondagi tengdoshlari bilan bellasha oladi. Faqat imkoniyat va ishonch kerak. Hali yigitlarimiz qurilma narxini optimallashtirish ustida ishlashadi. Loyihaga o’z hissasini qo’shmoqchi bo’lgan tadbirkorlarni hamkorlikka chaqiramiz. Barcha viloyat vakillaridan faollik kutib qolamiz. Qurilmani aholi gavjum joylar, supermarket, bozor va xayriya markazlari atrofiga o’rnatish virusga qarshi kurashishda katta yordam berishiga ishonamiz.(@Musaboyev_Shaxrizod)

Bu videoni do’stlaringiz bilan ulashing!

@alisher_sadullaev

Хитойдан юборилган инсонпарварлик ёрдами жўнатмаси, шунингдек, Соғлиқни сақлаш вазирлиги харид қилган тиббий ускуналар Ўзбекистон Мудофаа вазирлигининг махсус самолётида Тошкентга олиб келинди.

UZ: Ҳурматли Тошкент шаҳар аҳолиси!

Ижтимоий тармоқларда иситиш мавсумининг 2020 йил 10 апрель куни якунланиши ҳақида келиб тушаётган мурожаатлар юзасидан Тошкент шаҳар ҳокимлиги иситиш мавсуми давом этаётганини, марказий иситиш таъминоти ўчирилиши режалаштирилмаётганини маълум қилади.

Тошкент шаҳар ҳокимининг иситиш мавсумининг якунланиши ҳақидаги қарори оммавий ахборот воситаларида олдиндан эълон қилинади.

Тошкент шаҳар ҳокимлиги Матбуот хизмати

***

RU: Уважаемые жители Ташкента!

В свете поступающих обращений от населения, касающихся окончания отопительного сезона с 10 апреля 2020 года, хотим сообщить, что в настоящее время отопительный сезон продолжается и в связи с ожидаемыми осадками на следующей неделе отключение центрального отопления не планируется.

Решение хокима Ташкента об окончании отопительного сезона будет заранее опубликовано в официальных средствах массовой информации.

Пресс-служба хокимията города Ташкента

​​Соғлиқни сақлаш вазирлиги:

ЎЗБЕКИСТОН ШИФОКОРЛАРИ ТЕЗ КУНЛАРДА COVID-19 ИНФЕКЦИЯСИ ОҒИР КЕЧАЁТГАН БЕМОРЛАРНИ ДАВОЛАШДА МУТЛАҚО ЯНГИ ВА САМАРАЛИ УСУЛНИ ҚЎЛЛАШНИ БОШЛАШАДИ

Қадим замонлардаёқ тиббиётда муҳим аҳамиятга эга бўлган инсон қони олимларнинг алоҳида эътибор марказида бўлиб келган. Чунки, қон ҳаёт манбаи, унда турли касалликларга қарши курашиш қобилияти мавжуд деб ҳисобланган.

Шундан келиб чиққан ҳолда мамлакатимизда қон донорлиги ва қондан турли касалликларга қарши курашиш хусусиятига эга бўлган препаратлар тайёрланиб келинмоқда. Бунга турли бактерия ва микробларга қарши зардоблар, музлатилган плазмалар ёки иммунглобулинларни мисол қилиш мумкин.

Барчамизга маълумки, айни пайтда бутун дунёда COVID-19 инфекцияси пандемияси ҳукм сурмоқда. Давлатимиз раҳбарининг қатъий иродаси ҳамда қатор масъулларимиз томонидан кўрилаётган саъй-ҳаракатлар туфайли юртимизда ушбу касалликнинг тарқалиши назоратга олинган.

Яна бир аҳамиятли томони, фидойи шифокорларимизнинг машаққатли меҳнатлари натижасида коронавирус инфекциясидан тузалган беморларимиз айни пайтда 42 нафарга етди ва улар сафи кундан кунга ортиб бормоқда. Эътиборли жиҳати, соғайган фуқароларимизнинг қон зардоби касалликни бошидан кечираётган беморларимиз учун ниҳоятда бебаҳо бўлиб, уларнинг ушбу хасталикни енгил ўтказиши ва тезроқ тузалишлари учун замин бўлиб хизмат қилиши мумкин.

Шунга кўра, юртимиздаги бир қатор тажрибали олим ва шифокорлар билан келишилган ҳолда, тез кунларда мутлақо янгича усул — коронавирусдан соғайган инсонларнинг қон зардобини хасталиги оғир кечаётган беморларга қуйиш амалиётини жорий этиш бошланади.

Амалиётнинг илмий асосига келадиган бўлсак, COVID-19 инфекциясига чалинган беморлар қон зардобида вирусга қарши иммун таначалар пайдо бўлиб, улар вируснинг ўлимига олиб келади.

Табиийки, бу амалиёт қатор саволлар туғдириши мумкин. Зардобдан бошқа касаллик юқмайдими? Зардоб берган инсонлар аҳволи оғирлашмайдими? Беморларга зардоб қуйилганда турли асоратлар юзага келмайдими? 

Аввало, коронавирус инфекциясидан тузалган инсонлардан зардоб олишдан олдин, бир нечта инфекцияларга текширилади, тиббий кўрикдан ўтказилади. Қўшимча инфекцияси ва касаллиги бўлмаган инсонлар зардобининг кичик бир қисми олинади, холос. Бу миқдор донор учун ҳеч қандай салбий асоратларни намоён қилмайди. Бу илмий жиҳатдан исботланган. Сўнгра йиғиб олинган зардоб яна қўшимча ишлов бериш жараёнларидан ўтказилгандан сўнг, касаллик оғир кечаётган беморлар розилиги ва шифокор кўрсатмалари ҳамда махсус тартибларга қатъий риоя қилинган холда қўлланилиши мумкин.

Энг муҳими, COVID-19 инфекциясидан тузалган инсонларнинг қон зардоби – касаллик оғир кечаётган ёки узоқ давом этаётган беморларимизга вирусни тезроқ ва осонроқ енгиш учун қўшимча курашиш манбаи бўлиб хизмат қилади.

Соғлиқни сақлаш вазирлиги
Жамоатчилик билан алоқалар бўлими

@ssvmatbuotkotibi