ПАПУАСЛАР (малайяча papuwa — жингалак) — халклар гуруҳи, Ғарбий Меланезиянинг туб аҳолиси. Янги Гвинея о. ва Тимор о. нинг шарқий қисми туб жой аҳолисининг катта қисмини умумлашган номи (энга, чимбу, хаген, камано, хули ва б.). Умумий сони 4,8 млн. киши (1987). Меланезия ирқига мансуб. Папуас тилларида сўзлашади. Диндорлари аждодлар культи, магия ва тотемизмга эътиқод қилади. 19-а. охиридан миссионерлар таъсири остида христианлик тарқалган, ҳоз. кўпчилик Папуаслар расман уни қабул қилишган. Асосий машғулоти — деҳқончилик, чўчқачилик, балиқ овлаш, қисман овчилик. Папуасларни этнографик жиҳатдан ўрганишга рус тадқиқотчиси Н. Н. Миклухомаклай катта ҳисса қўшган.