ПАВЛЕНКО Виктор Владимирович (1932.14.4, Семипалатинск вилояти Кукпекти қишлоғи) — Ўзбекистон халқ артисти (1985). МХАТ қошидаги театр студиясини тугатган (1971). Саҳна фаолиятини 1954 й. дан бошлаган. Павлодар, Кустанай, Барнаул, Саратов, Оренбург театрларида, 1971—92 й. лар Горький номидаги Тошкент рус академик драма театрида ишлаган. Отелло, Алтифол (У. Шекспир, «Отелло», «Хатолар комедияси»), Кутузов, Сатин (М. Горький, «Қашшоқ қалб қиссаси», «Тубанликда»), Батарцев (А. Гельман, «Имзо»), Лопахин (А. Чехов, «Олчазор»), Авалиани (А. Чхеидзе, «Учдан олтигача») каби роллари билан танилган. Павленко трагик роллар устаси сифатида маълум.