ПАНПСИХИЗМ (пан… ва юн. psyche — руҳ, жон) — табиатни умуман жонли деб ҳисобловчи тасаввур. П. нинг тарихий шакллари хилма-хил бўлиб, ибтидоий эътиқод бўлган анимизм ва юнон фалсафасидаги гилозоизмдан тор-тиб то руҳ ва психикани дунёнинг ҳақиқий моҳияти деб талқин этувчи ривожланган таълимот (Г. В. Лейбницнинг монада концепцияси, Г. Т. Фехнер, К. Г. Юнг ва б. нинг фалсафий ғоялари)гача ўз ичига олади.