ПАННА ОЛМОС РАЙОНИ — Ҳиндистоннинг Мадҳья-Прадеш штатидаги қимматбаҳо тошлар конлари жойлашган минтақа. Умумий майд. 1700 км2. Туб жинсларда жойлашган машҳур Мажга-он ва бир нечта сочма олмос конлари бор. Мажгаон кимберлит конининг майд. 500×350 м бўлиб, 270 м чуқурликгача захиралари 4,5 млн. карат микдорида ба-ҳоланган; бу конда мил. ав. даврларда ҳам олмос қазиб олинганлиги маълум, ҳоз. вақтда йилига 12 минг карат атро-фида олмос қазиб олинади (ўртача 100 т кимберлит жинсларидан 10,7 карат олмос олинади). Бундан ташқари, Панна олмос районида турли кимматбахр ва зебу зийнат буюмлари ясашда ишлатиладиган тошлар (зумрад, аквамарин, сапфир, ёқут, ойтош, аметист, сафсар, гранат, ақиқ) сочма конлардан олинади. Ақиқнинг йирик сочма конлари Гужарот, Мақараштра ва Биҳар штатларида жойлашган.