ПАНАМА — Панама Республикаси пойтахти. Аҳолиси 669 минг киши (1990-й. лар охири). Икдими субэкваториал, сернам иқлим. Ўртача йиллик т-ра 27°. Йиллик ёғин 1500—2000 мм. Панама каналига Тинч океан томондан кираверишдаги денгиз порти. Т. й. ва шоссе йўл орқали Кариб денгизи бўйидаги Колон порти билан богланган. Аэропорти халқаро аҳамиятга эга. Ша-ҳар 1519 й. да индейсларнинг Панама қишлоғи ёнида испанлар томонидан бунёд этилган. 1903 й. дан мамлакат пойтахти. Панама иқтисодиёти каналдаги кема қатновига хизмат кўрсатиш ва порт фаолияти билан узвий боғлиқ. Тўқимачилик, озиқ-овқат, кўн-пойабзал, мебель, цемент саноати корхоналари мавжуд. Эсдалик буюмлари ишлаб чиқарилади. Панама ун-ти, Панама академияси ва б. академиялар, музейлар, опера ва драма театрлари, консерватория ва б. бор. 17—18-а. ларга оид меъморий ёдгорликлари сақланган.