ПАКАНАЛИК, миттилик, нанизм — бўйнинг ҳаддан ташқари паст бўлиши. Асосан, эндокрин система ва ирсий нуқсонлар сабаб бўлади. Паканалик шартли равишда пропорционал ва нопропорционал Паканаликка бўлинади.
Пропорционал Паканаликка гипофизар, тиреоген, инфантиль (қ. Инфантилизм) ва бош мия касаллиги (энцефалит, истисқо) оқибатида келиб чиққан Паканалик киради. Гипофизнинг олдинги бўлаги зарарланиши натижасида пайдо бўлган гипофизар Паканаликда ақл-ҳуш нормал бўлса хам, гавда болалар гавдасига ўхшайди, жинсий безлар ривожланмайди, кўпинча ёғ босади, юзга ажин тушиб, қаримсиқ кўринади. Қалқонсимон безнинг зарарланиши оқибатида келиб чиқадиган тиреоген Паканаликда суякланиш, моддалар алмашинуви жараёни бузилади, ақли паст бўлади. Скелетнинг анча ўзгариши натижасида пайдо бўлган рахитик Паканалик хондродистофия (тоғай ҳосил бўлишининг туғма бузилиши)даги Паканаликка, суяк системаси касаллигидаги П. пропорционал П. га киради. Паканалик белгилари кўрина бошлаши билан мутахассис врачга мурожаат қилиш керак.