ПАК Николай Семёнович (1922.5.5, Хитой) — рангтасвир устаси, Ўзбекистонда хизмат курсатган санъат арбоби (1979). Тошкент театр ва рассомлик санъати ин-тини тугатган (1960). 2-жа-ҳон уруши қатнашчиси (1941—46). 1946 й. дан Ўзбекистонда. 1960 й. дан Тошкент театр ва рассомлик санъати ин-тида педагог, 1981 й. дан доцент, 1989 й. дан проф. Пак асарлари ўзбек халқи (жумладан, қишлоқ) ҳаётига, урфодатларига бағишланган: «Чўпон Собиров», «Қаҳрамон она», «Сув келди», «Меҳмонда», «Аёл меҳнати» ва б. П., шунингдек, туркум асарлар ҳам яратган: «Вьетнам болалари», «Америка болалари» ва б.