ЧЕЙН (Chain) Эрнст Борис (1906. 19.6, Берлин — 1979.12.8) — инглиз биокимёгари, Лондон Қироллик жамияти аъзоси (1949 й. дан). Берлин университетини тугатган (1930). 1933 йдан Англияда. Кембриж биокимё инти (1933—35), Оксфорд университети (1935—48), Италиядаги Халқаро кимё микробиология марказида турли лавозимларда ишлаган (1948—61). 1961 йдан Лондон университетида биокимё проф. Илмий фаолияти инсулиннинг кимёвий асослари, пенициллиннинг кимёвий ва клиник хусусиятларини ўрганишга оид. Нобель мукофоти лауреати (1945; А. Флеминг ва X. Флори билан хамкорликда).