ЧАБУКИАНИ Вахтанг Михайлович [1910.27.2(12.3) Тбилиси 1992] балет артисти, балетмейстер, балет мактабининг йирик усталаридан. Халқ артисти (1950). 1929—41 й. лар Ленинград опера ва балет театрида, 1941—73 й. лар Грузия опера ва балет театрини, шунингдек, 1950—73 й. лар Тбилиси хореография билим юртини бошқарган. Базиль («Дон Кихот»), Отелло («Отелло»), Альберт («Жизель»), Зигфрид («Оққуш кўли»), Жером («Париж алангаси») каби партиялари билан балет чўққисига кўтарилган. «Синатле» (Г. В. Киладзе), «Горда» (Д. А. Торадзе), «Аппассионата» (Л. Бетховен) ва б. балетларни саҳналаштирган.