ЧЕРИКЛАР, чориклар — туркий қабилалардан бири. «Черик» этноними 8-а. дан буен маълум. Чериклар қад. туркий қабилалардан бири сифатида илк ва сўнгги ўрта асрларда ўзбеклар ва қирғизлар таркибида бўлганлар. Чериклар Фарғона қипчоқларининг сари қипчоқ уюшмасига кирган. Нурота туркманлари таркибида черикли тармоғи мавжуд бўлган. Шунингдек, уруғ тармоғи сифатида қирғизларнинг боғиш қабиласи таркибига ҳам кирган. Ўзбеклар таркибидаги Чериклар ўтроқлашиб деҳқончилик, қирғизлар ичидаги Чериклар чорвачилик билан шуғулланганлар. Даврлар ўтиши билан Черикларлар ўзбек ва қирғизлар таркибига қўшилиб кетганлар.