ЧЕМБЕРЛЕН (Chamberlain) Оуэн (1920.10.7, СанФранциско) — америкалик физик. АҚШ Миллий ФА аъзоси (1960). Чикаго университетини тугатган (1948). 1942—46 й. ларда ЛосАламос лаб. да ва 1948 й. дан Беркли Калифорния университетида ишлаган. Атом бомбаси яратувчиларидан бири. Илмий ишлари ядро физикаси, нейтрон физикаси ва юқори энергиялар физикасига оид. Э. Сегре ва б. олимлар билан ҳамкорликда антипротонни кашф этган. Юкрри энергияли ядро реакциялари яратиш билан шуғулланган. Таркибида қутбланган протонлар мавжуд нишонни олишга муваффақ бўлган (1963 — 64). Нобель мукофоти лауреати (1959; Э. Сегре билан ҳамкорликда).