ЧАЛОБ — қатиқ ёки сузмадан тайёрланадиган чанқовбосар ичимлик. Чалобни тайёрлаш учун сузма (1 кг сузмага 2 л сув) қайнатиб совитилган сув билан яхшилаб аталанади. Сўнг туз, қалампир, кўкпиёз, кашнич, укроп, райҳон ва б. ни майда тўғраб, аталанган сузмага солиб аралаштирилади. Тайёр Чалоб истеъмолдан олдин совитилади ёки муз солинади. Чалоб ёзнинг иссиқ кунларида чанқоқни яхши босади.