АЗИЗОВА Мукаррама (1913.23.5 — Наманган — 1964.23.5) — Ўзбекистон халқ артисти (1955). Москвада ўзбек драма студиясида ўқиган (1927—28). 1928-31 ва 1960—62 й. ларда Андижон театрида, 1931 й. дан Наманган театрида актриса ва реж. Драматик ва мусиқали спектаклларда, асосан, лирико-драматик ролларни ижро этган. Энг яхши роллари: Ширин (Хуршид, «Фарҳод ва Ширин»), Жамила (Ҳамза, «Бой ила хизматчи»), Нурхон (К. Яшин, Т. Жалилов, «Нурхон»), Гулсара (К. Яшин, «Гулсара»), Ҳафиза (А. Қаҳҳор, «Шоҳи сўзана»), Санобар (Б. Раҳмонов, «Юрак сирлари») ва б. Реж. сифатида «Фарҳод ва Ширин» (Хуршид, 1934, 1936), «Аршин мол олон» (У. Ҳожибеков, 1939) каби асарларни саҳналаштирган. Азизова ўзбек, тожик, уйғур халқ қўшиқларини моҳирона ижро этган.