АЪЗАМОВ Георгий Тожиевич (1954.6.9, Олмалиқ ш. – 1986.27.8, Севастополь ш. яқинида) — шахматчи. Биринчи ўзбек халқаро гроссмейстери (1984). Собиқ Иттифоқ чемпионатлари иштирокчиси (1981, 1983, 1985), икки карра Ўзбекистон чемпиони (1976, 1982), Ўзбекистонда хизмат кўрсатган физкультура ва спорт ходими (1984). Жаҳон биринчилиги минтақавий турнири (Ереван, 1982)да 7—8-ўринларни эгаллаган. Кўплаб нуфузли халқаро турнирларда иштирок этган. Ўзбекистонда Аъзамов хотирасига бағишлаб анъанавий турнир ўтказиб турилади.
Ад.: Муҳиддинов М., Аъзамовлар сулоласи, Т., 1984.