АЙРОН — 1) қатиқнинг кув (гуппи) да мойи ажратиб олингандан сўнг қолган суюқ қисми. Ўзбекистоннинг айрим жойларида чалоб ҳам Айрон деб аталади. Ичимлик сифатида ишлатилади. Айроннинг суви махсус тайёрланган халтадан ўтказилиб, сузма (чакки) тайёрланади, сузмадан қурт қилинади. Одам учун фойдали моддаларга бой;
2) қатиқ ёки сузмадан сув, зираворлар, ошкўклар, муз қўшиб тайёрланадиган чанқовбосар ичимлик.