АШРАФИЙ — 1) 14-а. да Эронда зарб этилган олтин пул. Уни зарб қилдирган Чупоний Малик Ашраф (1344—56) шаънига шундай аталган. Вазни бир мисқолдан ортиқ бўлган. 17-а. да 4-донакка, яъни 3,2 г га тенг булган. Арабларда динор ёки қирш, Балх ва Мовароуннаҳрда танга деб аталган;
2) 18 — 19-а. ларда Бухорода зарб этилган олтин пул. Бухоро хонлигининг 18—19а. лардаги аграр муносабатларига оид тарихий ҳужжат (Мирза Бадеъ девоннинг «Мажма ал-арқом» асари)да келтирилган маълумотларга кўра, Ашрафий 93% соф олтиндан бир мисқол оғирликда зарб этилган. Бир Ашрафийнинг қиймати 19 та кумуш тангага тенг булган.