АШИНА ХЭЛУ (7-а.) — Ғарбий турк хоқонлиги хоқонларидан бири. 645 й. Тан сулоласи Яочи тумани (ҳоз. Хитойдаги Урумчи ш. нинг шим.-шарқидаги Фукан уезди)да Ашина хэлу. бошчилигида ноиблик барпо этган. Хитой императори Ли Шимин шу йўл билан туркий қавмларга ўз таъсирини ўтказиб, уларнинг мулкларини эгаллаб олмоқчи бўлган. Бироқ 651 й. А. X. катта куч тўплаб Тан империяси ерларига ҳужум қилган. Бунга жавобан Хитой Ашина Хэлуга қарши жазо қўшини жўнатган. Кўп йиллик жанглардан сўнггина Хитой туркийларни енга олган. Ашина Хэлуни ҳийла б-н Чочга бошлаб келтириб, асир олганлар ва Тан қўшинлари қўмондони қўлига топширганлар.