АППЕНДИЦИТ — аппендикентг яллиғланиши. Микроблар ўсимтага турли йўллар билан киради, айрим сабабларга кура уларнинг патогенлик хусусияти ошиб, ўсимта шиллиқ қаватларидан остки қисмига ўтиб, уни яллиғлантиради. Аппендицит билан турли ёшдаги кишилар оғриши мумкин. Аппендицит ўткир ва сурункали бўлади. Ўткир Аппендицитнинг катарал, йирингли, гангреноз турлари бўлиб, ўсимтанинг тешилиши, перитонит, аппендикуляр инфильтрат, абсцесс каби ҳаёт учун хавфли асоратлари кузатилади. Касаллик бошланишида ўнг биқин соҳаси тўсатдан санчиб оғрийди ва аста-секин зўрая боради; беморнинг кўнгли айнийди, қайт қилади, томири тез уради, ҳарорати кўтарилади. Ўнг ён бош соҳасини қўл б-н босиб кўрилганда, оғриқ зўрайиши ва ўнг томондаги мускулларнинг тарангланиши аниқ сезилади. Қонда лейкоцитлар кўпаяди. Аппендицит аниқпангандан кейин яллиғланган ўсимта дарҳол жарроҳлик йўли билан олиб ташланади. Ўткир Аппендицит операция қилинмаганда касаллик белгилари камайиб, асоратлар рўй бермаса, чувалчангсимон ўсимтадаги ўзгаришлар қисман йўқолиб, касаллик сурункали тус олади.
Болаларда оғриқ кучли, кари кишиларда эса суст бўлади. Қоринда қаттиқ оғриқ туриши кўпинча Аппендицитга хосдир, шунинг учун бундай ҳолларда зудлик билан врач чақириш лозим.